Ha pa 10 maˬ 7 ˗13 nyi
Chiˇ mvuh ve 92-95
Kʼa muiˬ hkawˇ 84 leh bon lawˬ ve | Hpawnˬ daꞈ ve tanˬ ve tawˇ hkawˇ (1 miꞈ niꞈ)
1. Yaˬhoˉvaˬ Gʼuiˬ sha ve kanˉ te ve lehˬ daꞈ jaˇ ve a shaꞈ teꞈ hkʼaˇ hpehꞈ ve!
(10 miꞈ niꞈ)
Yaˬhoˉvaˬ lehˬ ngaˬ hui oˉ kʼoˍ pui ve htaꞈ gʼa keunˍ ve (Chiˇ 92:1, 4; w18.04 28 ¶5)
Yaˬhoˉvaˬ lehˬ yawˇ ve chaw cuˇ yiˍ cawˬ ve hkʼaw dawˇ cheˆ gʼa tuˬ ga piˇ ve (Chiˇ 92:5; w18.11 23 ¶8)
Yaˬhoˉvaˬ lehˬ yawˇ ve chaw mawˇ˗oˬ ve htawˇ yawˇ awˬ hpfuhˇ shiˍ ve (Chiˇ 92:12-15; w20.01 19 ¶18)
Nawˬ awˬ to htaꞈ na nyi sheˍ, ‘Ngaˬ awˬ to chiˇ aꞈ maˇ gʼa leh Baˆtiˆsaˬ maˇ gʼa haꞈ yuˬ tuˬ te laˇ ve aˬ htoꞈ ma cawˬ le?’
2. Co ha hpawˇ ve shehnˉ shiˍ
(10 miꞈ niꞈ)
-
Chiˇ 92:5—Liꞈ hpu chi teˇ tawn Yaˬhoˉvaˬ ve cuˇ yiˍ htaꞈ hkʼaˬ hkʼe kʼoˆ taˍ ve le? (cl˗SI 176 ¶18)
-
Chi teˇ shinˉ Liꞈ hpu gʼaw ve nawˬ aˬ htoꞈ ma awˬ bon gʼa ve le?
3. Liꞈ hpu gʼaw ve
(4 miꞈ niꞈ) Chiˇ 94:1-23 (th awˬ lawn 5)
4. Tawˇ tanˬ yaw daꞈ ve
(4 miꞈ niꞈ) Hto toˇ kui awˬ ti lo maˇ chehˇ htaˇ kaꞈ hto toˇ ve. Nawˬ Liꞈ hpu maˍ ve tehꞈ coˇ caˇ leh yawˇ htaꞈ kʼoˆ piˇ sheˍ. (lmd awˬ lawn 5, awˬ tawn 3)
5. Nyi ma pfuhˇ ve chaw geh ca kʼawꞈ guiˇ˗e ve
(3 miꞈ niꞈ) Hto toˇ kui awˬ ti lo maˇ chehˇ htaˇ kaꞈ hto toˇ ve. Liꞈ hpu henˇ tuˬ jehˬ piˇ ve htawˇ maˇ henˇ gaˇ ve chaw geh teˇ pawˆ kʼawꞈ kʼai leh Liꞈ hpu henˇ tuˬ teˇ pawˆ kʼawꞈ jehˬ piˇ ve. (lmd awˬ lawn 8, awˬ tawn 4)
6. Awˬ laꞈ gʼawˇ hpehꞈ la tuˬ maˍ piˇ ve
(5 miꞈ niꞈ) Co ha hpawˇ lo maˇ uiˍ la ve Liꞈ hpu henˇ ve chaw geh yaw daꞈ ve. (lmd awˬ lawn 12, awˬ tawn 5)
Kʼa muiˬ hkawˇ 5
7. Yaˇ nehˬ dawˇ maˇ ve maˇ heˆ leh nyi ma haˍ htaˇ
(15 miꞈ niꞈ) Teˇ geh jehˬ daꞈ ve.
Yaˬhoˉvaˬ ve kanˉ te ve lehˬ ngaˬ hui dawˇ haˍ ve awˬ lawn maˇ gʼa hpuˇ ve tehꞈ kʼoˆ gaˇ ve maˇ heˆ. Tawˇ pa haˉ te kʼo, Daˍviˆ kaꞈ laiˉ pawˆ dawˇ haˍ ve yoˬ. (Chiˇ 13:2; 139:23) Chi beuꞈ teˇ co˗e yaˇ nehˬ, yaˇ ehˉ laiˉ gʼaˇ htaꞈ dawˇ maˇ leh dawˇ haˍ ve yoˬ. Leh ngaˬ hui dawˇ haˍ jaˇ ve kʼo, ngaˬ hui hkʼaˬ htaˆ kaꞈ te chehˇ ve awˬ ceuˬ, tawˇ pa haˉ te kʼo, liꞈ henˇ yehˬ kʼai ve maˇ heˆ leh hpawnˬ daꞈ˗e ve awˬ lawn chi teˇ hpaˍ haˍ jaˇ ve awˬ lawn hpehꞈ la ve yoˬ. Leh teˇ hpaˍ hpaˍ kʼo, kawˆ jaˇ leh a shu yawˇ hkʼaˇ yawˇ tiˇ pehˍ tuˬ dawˇ hkʼaˇ cawˬ la ve yoˬ.
Yaˇ nehˬ teˇ hpaˍ˗oˬ, nawˬ dawˇ maˇ ve maˇ heˆ leh dawˇ haˍ jaˇ ve kʼo, nawˬ ve awˬ pa awˬ e maˇ heˆ leh awˬ viˉ awˬ nyi co ha hpawˇ ve chaw mawˇ geh tawˇ ca yaw daꞈ sheˍ. Leh a yeˇ uiˍ jaˇ ve awˬ ceuˬ lehˬ Yaˬhoˉvaˬ ga laˇ tuˬ bon lawˬ ve taˇ leunˇ. (Hpi 4:6) Yawˇ nawˬ htaꞈ ga laˇ tuˬ yoˬ. (Chiˇ 94:17-19; Isy 41:10) Ngaˬ hui awˬ viˉ awˬ nyi Sha˗tin ve awˬ lawn htaꞈ teˇ geh nyi sheˍ.
VDO hpaw maˍ ve Yaˬhoˉvaˬ ngaˬ awˬ pon dawˇ nyi laˇ ve. Peuˬ leh na taˍ ve chaw htaꞈ na piˇ sheˍ:
• Liꞈ hpu hkʼaˬ ve teˇ tawn awˬ viˉ awˬ nyi Sha˗tin htaꞈ ga piˇ ve le? Leh aˬ htoꞈ ma pa taw le?
• Yaˬhoˉvaˬ ha kʼaˉ puiˉ ve tehꞈ yawˇ htaꞈ hkʼaˬ hkʼe hpeuꞈ maw piˇ ve le?
Awˬ pa awˬ e teˇ hpaˍ˗oˬ, yaˇ dawˇ maˇ ve leh dawˇ haˍ ve htaꞈ haꞈ yuˬ gʼa tuˬ coˇ caˇ leh ga piˇ sheˍ. Nawˬ ve yaˇ hkawˇ htaꞈ hkʼa dehꞈ na taˍ sheˍ. Haꞈ pehnˇ ve hpeuꞈ maw piˇ sheˍ. Leh Yaˬhoˉvaˬ yawˇ htaꞈ haꞈ ve tehꞈ nawˬ ve yaˇ htaꞈ ga piˇ sheˍ. (Tiˇ 2:4; Yaˍ 1:19) Nawˬ ve yaˇ htaꞈ ga piˇ htaˇ awˬ suhˍ awˬ shaˍ hpawˇ leh nyi ma hpawˇ awˬ gʼaˇ cawˬ tuˬ Yaˬhoˉvaˬ nawˬ htaꞈ ga laˇ tuˬ yoˬ tehꞈ yonˍ gʼa ve yoˬ.
Hkriꞈ yaˇ awˬ moˍ hkʼaw a shu teˇ gʼaˇ dawˇ maˇ ve leh dawˇ haˍ chehˇ ve htaꞈ ngaˬ hui maˇ shiˍ ve yoˬ. Leh yawˇ hui dawˇ ve awˬ ceuˬ htaꞈ ngaˬ hui maˇ na gʼa ve yoˬ. Yaꞈ hkʼaˇ, ngaˬ hui te gʼa ve teˇ ceuˬ lehˬ Hkriꞈ yaˇ awˬ moˍ hkʼaw ve chaw teˇ gʼaˇ le le yawˇ hui awˬ hpfuhˇ cawˬ leh ngaˬ hui yawˇ hui htaꞈ haꞈ ve tehꞈ hpeuꞈ maw piˇ gʼa ve yoˬ.—Tawˇ 12:25; Heˍ 10:24.
8. Hkriꞈ yaˇ awˬ moˍ Liꞈ hpu henˇ ve
(30 miꞈ niꞈ) w19.07 20-23 ¶1-11
