1. Gʼuiˬ sha lehˬ haꞈ pehnˇ ve hpehꞈ ve,

Yawˇ kuˬ laˇ, “teˇ geh toˇ la.”

Gʼuiˬ sha leh awˬ chawˇ awˬ paˆ htaꞈ

Haꞈ ve kʼo, daꞈ ve te gʼa.

Chi lehˬ teꞈ chehˇ awˬ hkʼaˇ daꞈ ve,

A shaꞈ chi hkʼe ca chehˇ ve.

Yeˍsuˆ Hkriꞈ hkʼe haꞈ pehnˇ ve lehˬ

Maˇ luˬ kʼai, gʼaꞈ te cawˇ ve.

2. Gʼuiˬ sha htaꞈ haꞈ jaˇ ve pa taw,

Shu htaꞈ haꞈ ve hpeuꞈ maw piˇ.

Ngaˬ hui te maˇ gʼa ve teˇ yanˇ,

Gʼuiˬ sha awˬ gʼaˇ peꞈ laˇ ve.

Ha kʼaˉ puiˉ leh maˇ hkawehˉ puiˉ ve,

Daꞈ kehˬ leh yeunˇ hkanˍ puiˉ ve.

Awˬ viˉ awˬ nyi htaꞈ haꞈ ve kʼo,

Awˬ tehˬ haꞈ pehnˇ ve shiˍ gʼa.

3. Shu awˬ hkʼoˆ venˇ baˆ taˇ taˍ leh

Nyi ma zuhˆ puiˉ taˇ cawˬ tcuh.

Gʼuiˬ sha sheh kʼai tuˬ lawˬ cawˇ ve,

Yawˇ nawˬ htaꞈ maˍ laˇ tuˬ yoˬ.

Gʼuiˬ sha leh awˬ chawˇ awˬ paˆ htaꞈ

Haꞈ ve chi daꞈ jaˇ ve yoˬ.

Hkʼaˬ htaˆ kaꞈ shu htaꞈ haꞈ a veuˬ,

Gʼuiˬ sha htaꞈ henˇ yuˬ gaˇ ve.