1. Haꞈ pehnˇ ve awˬ hkʼaˇ Yaˬhoˉvaˬ ngaˬ hui htaꞈ

Sheh kʼai leh beˆ maˍ laˇ.

Teˇ ceuˬ le le yawˇ ngaˬ hui htaꞈ te laˇ htaˇ,

Haꞈ pehnˇ ve chi hpeuꞈ maw laˇ ve.

Haꞈ jaˇ ve yaˇ paˍ yawˇ ngaˬ hui htaꞈ peꞈ laˇ,

Venˇ baˆ hpehˇ laˇ ve teˇ gʼaˇ le le gʼa ve.

Chi lehˬ awˬ tehˬ ve haꞈ pehnˇ ve teˇ ceuˬ yoˬ.

Yawˇ ve awˬ hkʼaˇ haꞈ pehnˇ ve hpehꞈ ve.

2. Yawˇ htaꞈ gʼaꞈ te kʼo, ngaˬ hui haꞈ daꞈ ve yoˬ.

Haꞈ ve chi awˬ tehˬ hpehꞈ.

Awˬ piˍ leh awˬ suhˉ awˬ viˉ awˬ nyi teˇ hpaˍ

Yawˇ hui awˬ pon dawˇ nyi piˇ ve.

Gʼuiˬ sha htaꞈ haꞈ kʼo, yawˇ hui htaꞈ gʼa haꞈ ve,

Teˇ ceuˬ ceh cawˬ kʼo, awˬ tehˬ haꞈ ve maˇ cawˬ.

Awˬ chawˇ te yaꞈ htaˇ, yawˇ htaꞈ venˇ baˆ maˇ taˍ,

Chi hkʼe te lehˬ awˬ tehˬ haꞈ daꞈ ve.

3. Haꞈ pehnˇ ve awˬ hkʼaˇ nyi ma teˇ shiˍ cawˬ tcuh,

Teˇ yehˬ kʼa hpehꞈ la ve.

Ngaˬ hui ve awˬ pa chi teˇ hkui kuˬ laˇ ve,

“Teˇ moˍ tiˉ chi hkʼaw chehˇ la o.”

Ha lehˬ ve cawˬ gʼa, haꞈ daꞈ pehnˇ daꞈ gʼa tuˬ,

Gʼuiˬ sha awˬ ha hpu leh Liꞈ hpu ga laˇ ve.

Awˬ viˉ awˬ nyi leh awˬ chawˇ kaꞈ kʼoˆ chehˇ ve,

Yaˬhoˉvaˬ lehˬ haꞈ pehnˇ ve hpehꞈ ve.