Kʼa muiˬ liꞈ 110
Ha lehˬ ve chi Yaˬhoˉvaˬ peꞈ laˇ ve
-
1. Chi beuꞈ awˬ heˆ Gʼuiˬ sha mvuhˇ miˬ htaꞈ caˉ daꞈ.
Daꞈ ve sha tanˇ shu htaꞈ hto piˇ.
Teˇ gʼaˇ le le nawˬ oˉ kʼoˍ chiˇ leh nyi sheˍ,
Ponˬ tuˬ awˬ yanˇ gaˬ la chehˇ ve!
(Kʼawꞈ kʼa kuiˬ)
Ha lehˬ ve chi Yaˬhoˉvaˬ peꞈ laˇ ve.
Awˬ hkawˇ bvuhˬ chaweh liꞈ hkawˇ kʼa sheˍ.
Dawˇ law kuiˬ cawˬ gʼa, awˬ bon uiˍ jaˇ kʼoˆ piˇ˗oˆ.
Ngaˬ hui ve Gʼuiˬ sha htaꞈ chiˇ mvuh loˬ.
Ha lehˬ ve chi Yaˬhoˉvaˬ peꞈ laˇ ve.
Yawˇ ve daꞈ ve shu htaꞈ shiˍ tcuh.
Ngaˬ ve Gʼuiˬ sha leh Yeˍsuˆ awˬ pon te piˇ.
Gʼuiˬ sha kanˉ te htaˇ, ha lehˬ ve yoˬ.
-
2. Yawˇ htaꞈ nyi loˬ, Yaˬhoˉvaˬ htaꞈ haꞈ ve chaw.
Yawˇ kanˇ paˆ cawˬ, kawˆ tuˬ maˇ loˍ.
Mvuhˇ tawˍ ve awˬ hkawˇ hkʼe kuˬ chehˇ leh huˉ taˍ.
Ha lehˬ liꞈ hkawˇ yawˇ htaꞈ kʼa piˇ˗oˆ!
(Kʼawꞈ kʼa kuiˬ)
Ha lehˬ ve chi Yaˬhoˉvaˬ peꞈ laˇ ve.
Awˬ hkawˇ bvuhˬ chaweh liꞈ hkawˇ kʼa sheˍ.
Dawˇ law kuiˬ cawˬ gʼa, awˬ bon uiˍ jaˇ kʼoˆ piˇ˗oˆ.
Ngaˬ hui ve Gʼuiˬ sha htaꞈ chiˇ mvuh loˬ.
Ha lehˬ ve chi Yaˬhoˉvaˬ peꞈ laˇ ve.
Yawˇ ve daꞈ ve shu htaꞈ shiˍ tcuh.
Ngaˬ ve Gʼuiˬ sha leh Yeˍsuˆ awˬ pon te piˇ.
Gʼuiˬ sha kanˉ te htaˇ, ha lehˬ ve yoˬ.
(1 Raˍ 16:27; Chiˇ 112:4; Luˉ 21:28; Yoˇ 8:32 kaꞈ nyi sheˍ.)
