1. Chi teˇ hkui ngaˬ hui ha lehˬ chehˇ ve,

Ha lehˬ tuˬ uiˍ la mvuh la ve.

Miˬ guiˬ hkʼa peu˗eˬ Gʼuiˬ sha haꞈ ve chaw

Ngaˬ hui geh teˇ geh ha lehˬ ve.

Nyi ma hkʼaw ha lehˬ ve yeˬ jaˇ ve,

Gʼuiˬ sha ve tawˇ hkawˇ pa taw yoˬ.

Teˇ nyi le le ngaˬ hui gʼaw chehˇ ve,

Leh beˆ maˍ laˇ ve htaꞈ gʼaꞈ te.

Ha lehˬ ve chi htaꞈ hkʼa dehꞈ yonˍ chehˇ,

Aˬ miˍ shiˉ gʼeuꞈ toꞈ chehˇ ve hkʼe.

Ngaˬ hui tuꞈ hkanˍ ve gʼa hpuˇ ve htawˇ,

Yeunˇ hkanˍ tuˬ, Yaˬhoˉvaˬ ga laˇ.

 2. Yawˇ te ve htaꞈ mawˬ htaˇ ha lehˬ ve,

Mvuhˇ naw ma, miˬ guiˬ, laˇ tsuhˇ gʼuiˬ.

Hpanˍ taˍ ve awˬ lawn gʼa shiˍ teˇ yanˇ,

Ngaˬ hui Gʼuiˬ sha htaꞈ chiˇ mvuh ve.

Ha lehˬ ve hkʼaw yawˇ mvuhˇ miˬ awˬ lawn

Ngaˬ hui shaˉ hkiˆ hkanˍ chehˇ ve yoˬ.

Mvuhˇ miˬ chi ve gu teh taˍ peuˬ leh

Chaw htaꞈ awˬ bon naꞈ laˇ tuˬ yoˬ.

Mvuhˇ nyi loꞈ e kʼawꞈ tawˆ la ve hkʼe,

Co co ha lehˬ tuˬ gaˬ la chehˇ.

Mvuhˇ naw ma, miˬ guiˬ awˬ suhˉ ka tiꞈ

Co co ha lehˬ tuˬ te laˇ ve.