Kʼa muiˬ liꞈ 119
Ngaˬ hui yonˍ ve gʼa cawˬ ve
-
1. Oˇ htaˇ, chaw hkʼa peu˗eˬ htaꞈ yaw daꞈ gaˇ kʼo,
Gʼuiˬ sha tcuh kaˍ paˍ htaꞈ cuˇ ve.
Chi beuꞈ yawˇ ve yaˇ paˍ kʼoˆ maˍ laˇ ve,
“Chaw yaˇ, nyi ma dawˇ hpfuhˆ oˆ.”
(Kʼawꞈ kʼa kuiˬ)
Awˬ tehˬ ve yonˍ ve cawˬ aw laˇ?
Ponˬ gʼa tuˬ, chi ve cawˬ cawˇ ve.
Yonˍ ve hkʼe gʼaꞈ te chehˇ aw laˇ?
Chi hkʼe te kʼo, a shaꞈ htaꞈ haꞈ shaˉ gʼa.
-
2. Yeˍsuˆ ve tawˇ hkawˇ ngaˬ hui na yuˬ gaˇ,
Gʼuiˬ sha ve mvuhˇ miˬ hto toˇ ve.
Haꞈ hanˉ hkʼaw shu htaꞈ dawˇ law kuiˬ shiˍ tcuh,
Gʼuiˬ sha ka tiꞈ htaꞈ hto piˇ.
(Kʼawꞈ kʼa kuiˬ)
Awˬ tehˬ ve yonˍ ve cawˬ aw laˇ?
Ponˬ gʼa tuˬ, chi ve cawˬ cawˇ ve.
Yonˍ ve hkʼe gʼaꞈ te chehˇ aw laˇ?
Chi hkʼe te kʼo, a shaꞈ htaꞈ haꞈ shaˉ gʼa.
-
3. Yonˍ ve sho kʼuˉ kʼawehꞈ htaꞈ shuˍ ve pa taw,
Aˬ ma gʼa hpuˇ htawˇ maˇ kawˆ ve.
Yaˬhoˉvaˬ htaꞈ gʼaˇ va, yeunˇ hkanˍ gʼaˇ ve,
Ponˬ ve awˬ nyi laˬ paˇ neˇ.
(Kʼawꞈ kʼa kuiˬ)
Awˬ tehˬ ve yonˍ ve cawˬ aw laˇ?
Ponˬ gʼa tuˬ, chi ve cawˬ cawˇ ve.
Yonˍ ve hkʼe gʼaꞈ te chehˇ aw laˇ?
Chi hkʼe te kʼo, a shaꞈ htaꞈ haꞈ shaˉ gʼa.
(Roˉ 10:10; Efs 3:12; Heˍ 11:6; 1 Yoˇ 5:4 kaꞈ nyi sheˍ.)
