Kʼa muiˬ liꞈ 152
Awˬ ti chi Yaˬhoˉvaˬ htaꞈ chiˇ mvuh sheˍ
(1 Jawˇmawˇ 8:27; 1 Raˍsaˍvanˍ 29:14)
1. Mvuhˇ naw ma hpanˍ shehˍ hpaˇ Yaˬhoˉvaˬ oˬ.
Miˬ guiˬ nawˬ ve yehˬ te maˇ lawꞈ.
Miˬ guiˬ chi iˉ jaˇ htawˇ nawˬ ngaˬ hui,
Daꞈ kehˬ ve awˬ ha hpu peꞈ laˇ.
Hpawnˬ daꞈ kuiˬ yehˬ chi nyi sha jaˇ ve.
Nawˬ ve hkawˇ na yuˬ ve chaw hui.
Teˇ moˍ tiˉ te leh nawˬ ve kanˉ te,
Coˇ caˇ htaˇ nawˬ ha lehˬ ve yoˬ.
(Teˇ ceuˬ k’awꞈ te k’a ve)
Chi teˇ hkui cawˬ ve lehˬ
Ngaˬ hui htaꞈ gu teh taˍ laˇ.
Ngaˬ hui hk’aˬ ma tanˇ ve htawˇ
nawˬ geh laˬ ve tiˉ yoˬ.
(K’awꞈ k’a kuiˬ)
Hk’a peu-eˬ te laˇ ve awˬ bon uiˍ jaˇ.
Nyi ma hk’aw laˬ ve k’a ve yoˬ.
Dawˇ law kuiˬ awˬ tehˬ hpehꞈ la ve yoˬ.
Awˬ ti chi nawˬ awˬ pon chiˇ mvuh-oˬ.
2. Ngaˬ hui coˇ caˇ ve nawˬ shiˍ ve yoˬ.
Awˬ ti chi nawˬ awˬ pon chiˇ mvuh.
Chaw awˬ suhˉ laˬ ve haꞈ yuˬ gaˇ ve.
Nawˬ ve hkawˇ na yuˬ tcuh gaˇ ve.
Nawˬ ve dawˇ law kuiˬ awˬ tehˬ hpehꞈ tcuh-oˬ.
Nawˬ ve kanˉ maˇ maˇ cawˬ sheˍ ve.
Kiˍ ve kanˉ chi ve biˇ la tcuh sheˍ.
Nawˬ Yaˇ paˍ ngaˬ hui htaꞈ peꞈ laˇ.
(K’awꞈ k’a kuiˬ)
Ngaˬ hui coˇ caˇ tuˬ yoˬ.
Nyi ma hk’a peu-eˬ te tuˬ yoˬ.
Daꞈ ve teˇ ceuˬ le le peꞈ laˇ ve
Nawˬ htaꞈ chiˇ mvuh-oˬ.
(K’awꞈ k’a kuiˬ)
Hk’a peu-eˬ te laˇ ve awˬ bon uiˍ jaˇ.
Nyi ma hk’aw laˬ ve k’a ve yoˬ.
Dawˇ law kuiˬ awˬ tehˬ hpehꞈ la ve yoˬ.
Awˬ ti chi nawˬ awˬ pon chiˇ mvuh-oˬ.
