1. Gʼuiˬ sha geh toˇ, nuˇ nehˬ ve hkʼaw,

Haꞈ leh ka tiꞈ yeˬ chehˇ sheˍ.

Yaˬ htaꞈ meuˆ daꞈ leh gʼaˇ va cawˇ ve yoˬ.

Awˬ gʼaˇ cawˬ tuˬ yawˇ geh lawˬ.

Awˬ tehˬ ve htaꞈ hkʼa dehꞈ vawˆ taˍ kʼo,

Yaꞈ ve yaꞈ kʼaw maˇ kʼai.

Nawˬ laꞈ sheh yawˇ vawˆ taˍ tcuh cawˇ,

Yawˇ ve hkawˇ na leh gʼaꞈ te.

2. Gʼuiˬ sha geh toˇ, daꞈ kehˬ ve hkʼaw,

Daꞈ kehˬ ve awˬ ceuˬ dawˇ nyi.

Beˬ ve lawˇ ve htaꞈ hkʼaˬ ma gʼa hpuˇ htawˇ,

Yeunˇ hkanˍ gʼaˇ tuˬ Yaˬ ga laˇ.

Chiˇ mvuh keunˍ ve awˬ ceuˬ hkʼa peu˗eˬ leh

Hteˇ cawˇ ve awˬ ceuˬ htaꞈ

Hkʼaˬ htaˆ kaꞈ dawˇ nyi chehˇ ve kʼo,

Gʼuiˬ sha nawˬ geh chehˇ tuˬ yoˬ.

3. Gʼuiˬ sha geh toˇ, ha lehˬ ve hkʼaw,

Nawˬ yawˇ awˬ chawˇ hpehꞈ gʼa ve.

Awˬ bon leh laꞈ shawnˍ yawˇ nawˬ htaꞈ peꞈ laˇ,

Awˬ hpfuhˇ chi htaꞈ shiˍ cawˇ ve.

Gʼuiˬ sha geh toˇ nawˬ nyi ma ha lehˬ,

Liꞈ hkawˇ kʼa tawˆ la ve.

Teˇ gʼaˇ le le gʼa shiˍ tuˬ yoˬ.

Yaˬhoˉvaˬ ve mawˇ nawˬ hpehꞈ.