1. Ngaˬ hui nyi ma haꞈ shaˉ ve chi

A shaꞈ htaꞈ kʼoˆ gaˇ ve.

Awˬ tehˬ hkʼaˬ hkʼe hpehꞈ ve shiˍ tuˬ,

Gʼuiˬ sha nyi ma hkʼaw mawˬ.

Ngaˬ hui ve nyi ma heˍ puiˉ jaˇ,

Teˇ pawˆ pawˆ te yaꞈ ve.

Nyi ma hkʼaw hkʼa dehꞈ dawˇ nyi leh

Yaˬhoˉvaˬ hkawˇ na sheˍ.

2. Nyi ma hkʼaw Gʼuiˬ sha htaꞈ ca ve,

Bon hkʼa dehꞈ lawˬ ve yoˬ.

Teˇ nyi le yawˇ htaꞈ chiˇ mvuh leh,

Dawˇ haˍ ve kʼoˆ piˇ ve.

Yaˬhoˉvaˬ ngaˬ hui htaꞈ maˍ laˇ,

Ha lehˬ ha kʼa na yuˬ.

Ka tiꞈ yeˬ ve nyi ma cawˬ kʼo,

Gʼuiˬ sha ha lehˬ tuˬ yoˬ.

3. Maˇ daꞈ ve ngaˬ hui tawˍ taˍ leh,

Awˬ tehˬ hkʼa dehꞈ dawˇ nyi.

Gʼuiˬ sha tawˇ hkawˇ nyi ma hkʼaw gaˬ,

Awˬ gʼaˇ cawˬ tuˬ te laˇ.

Yaˬhoˉvaˬ htaꞈ ka tiꞈ yeˬ kʼo,

Ngaˬ hui htaꞈ haꞈ tuˬ yoˬ.

Nyi ma hkʼaw hkʼa gaˬ oˉ kʼoˍ pui,

Co co yawˇ awˬ chawˇ te.