Kʼa muiˬ liꞈ 44
Haˍ ve gʼawˇ ve chaw hui ve bon lawˬ hkawˇ
-
1. Yaˬhoˉvaˬ ngaˬ nawˬ htaꞈ kuˬ ve, ngaˬ ve hkawˇ
“Na yuˬ laˇ˗oˆ.”
Ngaˬ ve naˬ kuiˬ maˇ na˗e sheˍ leh
Awˬ vuiˬ te ve maˇ sha.
Law taˍ ve hkʼe maˇ hpehꞈ la ve pa taw,
Awˬ gʼaˇ i la.
Nawˬ htaꞈ nyi hkʼaˇ suh tuˬ, Gʼuiˬ sha ngaˬ htaꞈ
Nyi haꞈ shaˉ laˇ˗oˆ.
(Kʼawꞈ kʼa kuiˬ)
Yeunˇ hkanˍ gʼaˇ tuˬ a ciˉ ga laˇ˗oˆ.
Htawˇ dawˇ nawˬ dawˇ yuˬ baˬ laˇ mehˍ.
Nyi ma luˬ htaˇ, nawˬ htaꞈ gʼaˇ va.
Yaˬhoˉvaˬ oˬ, awˬ gʼaˇ peꞈ laˇ˗oˆ.
-
2. Nawˬ ve tawˇ hkawˇ gʼaˇ va kuiˬ hpehꞈ ve hkʼe
Awˬ gʼaˇ peꞈ laˇ.
Ngaˬ maˇ yaw htawˇ, dawˇ chehˇ ve hkʼe
Liꞈ hpu hkʼaw cawˬ ve yoˬ.
Ngaˬ yonˍ ve leh gʼaˇ va ve cawˬ gʼa tuˬ,
Ga laˇ sheˍ mehˍ.
Nawˬ ve haꞈ pehnˇ ve
Ngaˬ ve nyi ma aꞈ kehˉ daꞈ ve yoˬ.
(Kʼawꞈ kʼa kuiˬ)
Yeunˇ hkanˍ gʼaˇ tuˬ a ciˉ ga laˇ˗oˆ.
Htawˇ dawˇ nawˬ dawˇ yuˬ baˬ laˇ mehˍ.
Nyi ma luˬ htaˇ, nawˬ htaꞈ gʼaˇ va.
Yaˬhoˉvaˬ oˬ, awˬ gʼaˇ peꞈ laˇ˗oˆ.
(Chiˇ 42:6; 119:28; Roˉ 8:26; 2 Kawˇ 4:16; 1 Yoˇ 3:20 kaꞈ nyi sheˍ.)
