1. Awˬ pa ve laꞈ sheh htaꞈ vawˆ taˍ,

Nyi ma nuˇ nehˬ, ngaˬ hui yawˇ geh toˇ.

Ha kʼaˉ puiˉ ve maˇ gʼa keunˍ ve,

Awˬ hkʼaˇ gʼaꞈ te ve chaw yawˇ piˇ ve.

Haꞈ pehnˇ ve hkʼaw Gʼuiˬ sha te laˇ,

Yawˇ ve laꞈ sheh htaꞈ vawˆ gʼa.

Ngaˬ hui lehˬ awˬ to chiˇ aꞈ piˇ,

Yaˬhoˉvaˬ ve hpawˇ chehˇ taˍ ve.

2. Chi beuꞈ Saˍtanˍ nyi ma zuhˆ ve,

Awˬ leh meuˇ gaˬ la paˇ neˇ ve yoˬ.

Tawˍ laˇ ve gʼa hpuˇ ve pa taw,

Ngaˬ kawˆ jaˇ leh hpfuhˆ kʼoꞈ e gʼa ve.

Yaꞈ hkʼaˇ Yaˬhoˉvaˬ haꞈ shaˉ laˇ,

Yawˇ awˬ paˇ lo chehˇ gaˇ ve.

Ngaˬ yawˇ htaꞈ co co oˉ kʼoˍ pui,

Yawˇ htaꞈ haꞈ leh ka tiꞈ yeˬ gaˇ.

3. Ngaˬ hui htaꞈ ga laˇ tuˬ awˬ pon,

Liꞈ hpu leh yawˇ awˬ ha hpu peꞈ laˇ,

Hkriꞈ yaˇ awˬ moˍ kaꞈ gu teh taˍ,

Bon lawˬ hkawˇ na laˇ tuˬ ka tiꞈ te.

Yaˬhoˉvaˬ teˇ geh toˇ ve kʼo,

Cawˇ ve te tuˬ yawˇ ga laˇ.

Ka tiꞈ yeˬ leh nyi ma nuˇ nehˬ

Toˇ kʼai gʼa tuˬ yawˇ ga laˇ ve.