1. Gʼuiˬ sha˗oˬ, ngaˬ tu la leh gʼaˇ jehˇ htaˇ,

Zuhꞈ ve teˇ yanˇ, hkʼa peu˗eˬ nawˬ shiˍ taˍ ve.

Ngaˬ ve nyi ma, dawˇ hkʼaˇ htaꞈ nawˬ chaˬ nyi ve.

Ngaˬ ve tawˇ hkawˇ, ngaˬ ve yaꞈ kʼaw

Nawˬ kaꞈ shiˍ oˬ.

Ngaˬ lehˬ ngaˬ e gʼoˇ peˬ hkʼaw chehˇ htaˇ,

Ngaˬ awˬ muꞈ ku htawˇ, nawˬ mawˬ taˍ ve yoˬ.

Ngaˬ maˇ paw sheˍ, nawˬ liꞈ daw hkʼaw bvuhꞈ keu taˍ.

Nawˬ ve kanˇ paˆ leh awˬ hkʼaˇ htaꞈ

Ngaˬ chiˇ mvuh ve.

Nawˬ ve cuˇ yiˍ daꞈ jaˇ leh anˇ tuˬ hpehꞈ ve.

Awˬ lawn chi htaꞈ ngaˬ hkʼa dehꞈ shiˍ taˍ ve.

Naˆ hoꞈ jaˇ ve ngaˬ htaꞈ caw zuhˇ taˍ ve kʼo,

Nawˬ awˬ ha hpu ga laˇ tuˬ ngaˬ shiˍ ve.

Gʼuiˬ sha˗oˬ, ngaˬ hkʼaˬ lo gʼa hpaw˗e tuˬ le?

Nawˬ maˇ mawˬ gʼa ve teˇ kaˬ kaꞈ maˇ cawˬ.

Tuˍ hpfuh hkʼaw lo, mvuhˇ naw ma hkʼoˆ maˇ heˆ leh,

Naˆ hoꞈ ve hkʼaw, laˇ tsuhˇ gʼuiˬ lo

Ngaˬ maˇ hpaw˗e gʼa.