Kʼa muiˬ liꞈ 54
“Yaꞈ kʼaw choˬ hpawˇ lo cawˬ ve yoˬ”
-
1. Yaꞈ kʼaw teˇ caˆ cawˬ ve,
Dawˇ sha gawˬ lehˍ ve yoˬ.
Hpehꞈ maw jaˇ peuˬ
Yaꞈ kʼaw chi nawˬ kaꞈ shiˍ la ve.
Chi ve teˇ caˆ
Yeˍsuˆ nawˬ htaꞈ maˍ laˇ ve yoˬ.
Dawˇ sha gawˬ lehˍ yaꞈ kʼaw
Yaˬhoˉvaˬ hkawˇ hpeuꞈ maw.
(Kʼawꞈ kʼa kuiˬ)
Chi ve yaꞈ kʼaw, awˬ tehˬ a shaꞈ yaꞈ kʼaw.
Awˬ ceˍ leˇ hpawˇ a ciˉ ceh kaꞈ taˇ nyi.
Gʼuiˬ sha kʼoˆ chehˇ ve, ‘choˬ hpawˇ lo yoˬ.’
Taˇ hpfuhˆ kʼoꞈ e, yaꞈ kʼaw chi cawˇ ve yoˬ.
-
2. Haꞈ pehnˇ yaꞈ kʼaw chi ve
Nawˬ ca nyi tuˬ maˇ loˍ.
Gʼuiˬ sha tawˇ hkawˇ
Nawˬ htaꞈ yaꞈ kʼaw kʼoˆ maˍ laˇ ve.
Yawˇ haꞈ pehnˇ ve daꞈ jaˇ,
Hkʼa biˇ leh awˬ tehˬ cawˬ.
Haꞈ pehnˇ ve hkʼaw
Teˇ ceuˬ le le ngaˬ hui te ve.
(Kʼawꞈ kʼa kuiˬ)
Chi ve yaꞈ kʼaw, awˬ tehˬ a shaꞈ yaꞈ kʼaw.
Awˬ ceˍ leˇ hpawˇ a ciˉ ceh kaꞈ taˇ nyi.
Gʼuiˬ sha kʼoˆ chehˇ ve, ‘choˬ hpawˇ lo yoˬ.’
Taˇ hpfuhˆ kʼoꞈ e, yaꞈ kʼaw chi cawˇ ve yoˬ.
-
3. A shaꞈ yaꞈ kʼaw hkʼaw lo
Hkʼawꞈ nawˉ paˉ maˇ gʼa nyi.
Chi daꞈ jaˇ ve yaꞈ kʼaw
Gʼuiˬ sha ka tiꞈ te laˇ.
Dawˇ sha gawˬ lehˍ cawˬ tuˬ,
Awˬ nu awˬ hkʼaˇ maˇ cawˬ.
Awˬ tehˬ a shaꞈ gʼa ve,
Gʼuiˬ sha awˬ bon uiˍ jaˇ.
(Kʼawꞈ kʼa kuiˬ)
Chi ve yaꞈ kʼaw, awˬ tehˬ a shaꞈ yaꞈ kʼaw.
Awˬ ceˍ leˇ hpawˇ a ciˉ ceh kaꞈ taˇ nyi.
Gʼuiˬ sha kʼoˆ chehˇ ve, ‘choˬ hpawˇ lo yoˬ.’
Taˇ hpfuhˆ kʼoꞈ e, yaꞈ kʼaw chi cawˇ ve yoˬ.
(Chiˇ 32:8; 139:24; Tawˇ 6:23 kaꞈ nyi sheˍ.)
