Kʼa muiˬ liꞈ 55
Yawˇ hui htaꞈ taˇ kawˆ!
-
1. Ngaˬ ve chaw hui,
Mvuhˇ miˬ ve awˬ lawn chi caˉ leh hto toˇ sheˍ.
Canˇ paˍ mawˬ htawˇ, taˇ kawˆ mehˍ.
Awˬ tehˬ haꞈ ve chaw shiˍ tcuh,
Ngaˬ ve yaˇ Yeˍsuˆ Hkriꞈ uˉ peunˍ chehˇ,
Canˇ paˍ gʼaꞈ ce la peuˬ,
Maˇ maw kʼo, Saˍtanˍ htaꞈ hpeh tiˍ
Leh chaw htaꞈ hpehˇ piˇ tuˬ yoˬ.
(Kʼawꞈ kʼa kuiˬ)
Taˇ kawˆ mehˍ, ngaˬ haꞈ ve chaw hui,
Canˇ paˍ tawˍ laˇ ve htawˇ kaꞈ,
Nawˬ hui htaꞈ ngaˬ haꞈ shaˉ laˇ tuˬ,
Mehˆ shiˍ haꞈ shaˉ ve hkʼa shuˍ.
-
2. Nawˬ ve canˇ paˍ cawˬ maˇ jaˇ leh
Yawˇ hui kawˆ ho laˇ ve htawˇ,
Teˇ pawˆ pawˆ nawˬ htaꞈ heˍ tuˬ,
Yawˇ hui chiˇ mvuh laˇ ve yoˬ.
Ngaˬ ve ka tiꞈ yeˬ ve chaw oˬ,
Fawˉ mehˍ gʼa hpuˇ kaꞈ taˇ kawˆ.
Gʼaˇ ve awˬ nyi hkʼa gaˬ
Ngaˬ nawˬ htaꞈ haꞈ shaˉ leh ponˬ laˇ tuˬ.
(Kʼawꞈ kʼa kuiˬ)
Taˇ kawˆ mehˍ, ngaˬ haꞈ ve chaw hui,
Canˇ paˍ tawˍ laˇ ve htawˇ kaꞈ,
Nawˬ hui htaꞈ ngaˬ haꞈ shaˉ laˇ tuˬ,
Mehˆ shiˍ haꞈ shaˉ ve hkʼa shuˍ.
-
3. Nawˬ htaꞈ leunˇ peuˬ oˬ taˇ dawˇ mehˍ,
Ngaˬ awˬ gʼaˇ leh htanˬ tuˬ hpehꞈ.
Maꞈ bawˆ kuiˬ nawˬ suh ve htawˇ,
Suh ve htaꞈ ngaˬ gʼaˇ hpehꞈ ve.
Awˬ to htaꞈ tiˇ pehˍ kaꞈ taˇ kawˆ,
Co co te luˬ laˇ maˇ gʼa.
Awˬ leh hkʼa gaˬ ka tiꞈ yeˬ kʼo,
Nawˬ htaꞈ laꞈ shawnˍ piˇ tuˬ yoˬ!
(Kʼawꞈ kʼa kuiˬ)
Taˇ kawˆ mehˍ, ngaˬ haꞈ ve chaw hui,
Canˇ paˍ tawˍ laˇ ve htawˇ kaꞈ,
Nawˬ hui htaꞈ ngaˬ haꞈ shaˉ laˇ tuˬ,
Mehˆ shiˍ haꞈ shaˉ ve hkʼa shuˍ.
(Bon 32:10; Neˍ 4:14; Chiˇ 59:1; 83:2, 3 kaꞈ nyi sheˍ.)
