1. Gʼuˇ suhˍ kʼai, gʼuˇ suhˍ kʼai, uiˍ la biˇ la sheˍ!

Awˬ tehˬ ve awˬ gʼeuˆ kaꞈ chaw hkʼa peu˗eˬ htaꞈ ba hkʼawꞈ piˇ.

Gʼuiˬ sha awˬ pon te htaˇ, daꞈ jaˇ ve hkʼaw te˗o,

Yawˇ htaꞈ gʼaˇ hkʼa dehꞈ va sheˍ.

Teˇ gʼaˇ le le kanˉ chi te gʼa ve.

Yeˍsuˆ Hkriꞈ te jaw ve nawˬ tawnˇ gʼa.

Maˇ paiˍ tuˬ, Gʼuiˬ sha ga laˇ ve lawˬ cawˇ ve,

Hteˇ cawˇ ve hpawˇ huˉ taˍ sheˍ.

2. Gʼuˇ suhˍ kʼai, gʼuˇ suhˍ kʼai, chaw yaˇ htaꞈ hto piˇ˗oˆ!

Daꞈ ve awˬ lawn sha tanˇ teˇ chaw ceuˬ le le shiˍ tcuh.

Ngaˬ hui ve Jawˇmawˇ Yaˬhoˉvaˬ htaꞈ chiˇ mvuh,

Teˇ yehˬ le le ca hto piˇ.

Tawˍ taˍ paˍ kawˆ tuˬ te laˇ ve htawˇ,

Awˬ gʼaˇ taˇ nuˇ la leh te tcuhˉ taˍ˗oꞈ.

Gʼuiˬ sha ve mvuhˇ miˬ lehˬ uˉ peunˍ chehˇ ve yoˬ.

Awˬ tehˬ ve maˍ piˇ sheˍ mehˍ.

 3. Gʼuˇ suhˍ kʼai, gʼuˇ suhˍ kʼai, hteˇ lehˍ kʼai cawˇ ve.

Kanˉ cawˬ sheˍ ve pa taw, nawˬ cheuˬ la tuˬ te jawˬ cawˇ.

Gʼuiˬ sha ve awˬ ha hpu sheh kʼai laˇ tcuh o.

Yawˇ geh laˬ ha lehˬ ve ca˗o.

Ca mawˬ ve chaw htaꞈ gʼa haꞈ cawˇ leh

Yawˇ nyi ma hkʼaw gaˬ tuˬ, ca guiˇ kʼai.

Yawˇ uiˍ la biˇ la tuˬ, hkʼa dehꞈ ga piˇ kʼo,

Awˬ tehˬ ve awˬ gʼeuˆ ba gʼa.