1. Oˇ htaˇ faˉ taˍ ve teˇ lawn lehˬ Gʼuiˬ sha mvuhˇ miˬ.

Jawˇmawˇ Yeˍsuˆ ve awˬ lawn htaꞈ hpeuꞈ maw laˇ chehˇ.

Yaˬhoˉvaˬ ha kʼaˉ puiˉ leh hteˇ cawˇ ve pa taw,

Venˇ baˆ yaˇ gʼa hpuˇ ve awˬ ceuˬ yawˇ dawˇ nyi ve.

Miˬ guiˬ hkʼoˆ yawˇ ve yaˇ paˍ htaꞈ uˉ peunˍ tcuh gaˇ,

Awˬ yanˇ tinˍ taˍ ve gaˬ la ve kʼo, mvuhˇ miˬ gu teh.

Yawˇ yaˇ paˍ htaꞈ yaˇ miˇ haˉ ca piˇ tuˬ awˬ pon,

Chaw htaꞈ leuˆ yuˬ leh i ve yawˬ teˇ moˍ hpehꞈ tcuh.

2. Ngaˬ hui hto chehˇ ve chi lehˬ hpeuꞈ maw laˇ maw jaˇ˗oˬ.

Awˬ yanˇ chi lehˬ Yaˬhoˉvaˬ a loˍ cawˇ daꞈ ve.

Awˬ tehˬ ve leh mvuhˇ miˬ awˬ lawn ngaˬ hui hto chehˇ,

Mvuhˇ naw ma yaˇ ha lehˬ ve leh ga laˇ chehˇ ve.

Chi beuꞈ teˇ co˗e ngaˬ hui daꞈ ve awˬ vuiˬ cawˬ ve,

Yaˬhoˉvaˬ awˬ meh htaꞈ yawˆ yan leh yawˇ htaꞈ chiˇ mvuh.

Ngaˬ hui yawˇ ve Shaˉhkiˆhkanˍ ve chaw hpehꞈ gʼa leh

Daꞈ ve awˬ lawn sha tanˇ hto chehˇ ve ha lehˬ jaˇ.