Kʼa muiˬ liꞈ 73
Ngaˬ hui htaꞈ haꞈ hanˉ ve peꞈ laˇ˗oˆ
-
1. Gʼuiˬ sha ve mvuhˇ miˬ hto toˇ chehˇ,
Nawˬ awˬ meh shaˉ hkiˆ hkanˍ ve.
Laiˉ gʼaˇ ngaˬ hui htaꞈ tawˍ laˇ leh
Maˇ shawˍ maˇ caˆ te laˇ ve.
Yaꞈ hkʼaˇ ngaˬ chaw htaꞈ maˇ kawˆ,
Nawˬ ve hkawˇ htaꞈ na yuˬ ve yoˬ.
Daꞈ kehˬ awˬ ha hpu ngaˬ gʼa gaˇ ve,
Yaˬhoˉvaˬ Gʼuiˬ sha na laˇ sheˍ.
(Kʼawꞈ kʼa kuiˬ)
Hto toˇ htaˇ haꞈ hanˉ ve peꞈ laˇ˗oˆ,
Kawˆ ve gʼaˇ tuˬ ga laˇ sheˍ.
Hto toˇ htaˇ haꞈ hanˉ ve cawˬ gaˇ,
Miˬ guiˬ hkʼa peu˗eˬ gʼa kaˇ ve.
Aˍmaˍgeˍdonˍ laˬ paˇ neˇ ve.
Nawˬ ve uiˍ ve awˬ nyi hkʼa gaˬ,
Hto toˇ htaˇ haꞈ hanˉ ve peꞈ laˇ˗oˆ,
Ngaˬ hui lawˬ ve.
-
2. Ngaˬ hui shu htaꞈ kawˆ jaˇ ve htawˇ,
Jeꞈ meu˗e hpehꞈ ve nawˬ shiˍ ve.
Nawˬ kʼoˆ ve ngaˬ hui htaꞈ ga laˇ,
Ka tiꞈ chi hkʼa dehꞈ yonˍ gʼa.
She laˇ leh fawˉ mehˍ ve chaw
Yawˇ hui htaꞈ htawˇ a ciˉ nyi sheˍ.
Haꞈ hanˉ ve hkʼaw lo nawˬ ve awˬ meh
Hto piˇ tcuhˉ taˍ tuˬ ga laˇ sheˍ.
(Kʼawꞈ kʼa kuiˬ)
Hto toˇ htaˇ haꞈ hanˉ ve peꞈ laˇ˗oˆ,
Kawˆ ve gʼaˇ tuˬ ga laˇ sheˍ.
Hto toˇ htaˇ haꞈ hanˉ ve cawˬ gaˇ,
Miˬ guiˬ hkʼa peu˗eˬ gʼa kaˇ ve.
Aˍmaˍgeˍdonˍ laˬ paˇ neˇ ve.
Nawˬ ve uiˍ ve awˬ nyi hkʼa gaˬ,
Hto toˇ htaˇ haꞈ hanˉ ve peꞈ laˇ˗oˆ,
Ngaˬ hui lawˬ ve.
(1 Hteˇ 2:2; Heˍ 10:35 kaꞈ nyi sheˍ.)
