Kʼa muiˬ liꞈ 75
“Ngaˬ htaꞈ kʼai peu laˇ˗oˆ!”
-
1. Chaw yaˇ Gʼuiˬ sha ve awˬ meh htaꞈ
Hkʼa mvuhˇ hkʼa na kʼoˆ chehˇ ve yoˬ.
“Gʼuiˬ sha maˇ cawˬ, kanˇ paˆ maˇ cawˬ,”
Nyi ma maˇ daꞈ ve chaw kʼoˆ ve.
A shu Yaˬhoˉvaˬ awˬ meh htaꞈ
Awˬ meꞈ awˬ hponˇ cawˬ piˇ tuˬ le?
(Kʼawꞈ kʼa kuiˬ 1)
‘Gʼuiˬ sha˗oˬ ngaˬ htaꞈ kʼai peu laˇ oˆ!
Ka tiꞈ yeˬ hkʼaw chiˇ mvuh tuˬ yoˬ.
Chi lehˬ daꞈ jaˇ ve awˬ vuiˬ hpehꞈ ve.
Ngaˬ htaꞈ kʼai peu laˇ oˆ mehˍ.’
-
2. Chaw teˇ hpaˍ kʼoˆ, “Gʼuiˬ sha naiˇ jaˇ.”
Yawˇ hui Gʼuiˬ sha htaꞈ maˇ kawˆ puiˉ.
Shaˉ hoꞈ htaꞈ oˉ kʼoˍ pui ve yoˬ.
Yawˇ tan Kehˉsaˍ htaꞈ taˍ uiˍ ve.
Gʼuiˬ sha ve maꞈ gaˬ la chehˇ ve,
A shu chaw htaꞈ hto piˇ tuˬ le?
(Kʼawꞈ kʼa kuiˬ 2)
‘Gʼuiˬ sha˗oˬ ngaˬ htaꞈ kʼai peu laˇ oˆ!
Haꞈ hanˉ ve hkʼaw shaˍ tiꞈ piˇ tuˬ.
Chi lehˬ daꞈ jaˇ ve awˬ vuiˬ hpehꞈ ve.
Ngaˬ htaꞈ kʼai peu laˇ oˆ mehˍ.’
-
3. Chi beuꞈ haiˬ ve cawˬ maˇ la ve,
Daꞈ ve chaw hui hkʼanˇ chehˇ ve yoˬ.
Dawˇ sha gawˬ lehˍ nyi ma cawˬ tuˬ,
Awˬ tehˬ ve yawˇ hui ca chehˇ ve.
Yawˇ hui hteˇ cawˇ ve htaꞈ gʼa tuˬ,
A shu awˬ gʼaˇ htehˍ piˇ tuˬ le?
(Kʼawꞈ kʼa kuiˬ 3)
‘Gʼuiˬ sha˗oˬ ngaˬ htaꞈ kʼai peu laˇ oˆ!
Yeunˇ hkanˍ ve hkʼaw maˍ piˇ tuˬ yoˬ.
Chi lehˬ daꞈ jaˇ ve awˬ vuiˬ hpehꞈ ve.
Ngaˬ htaꞈ kʼai peu laˇ oˆ mehˍ.’
(Chiˇ 10:4; Ysk 9:4 kaꞈ nyi sheˍ.)
