1. Yeˍsuˆ Hkriꞈ kʼoˆ laˇ ve,

Awˬ gʼeuˆ ba piˇ oˆ.

Mvuhˇ cha cha ve hkʼa shuˍ,

Lehˬ ve cawˬ la ve.

Liꞈ hpu cuˇ leh shu htaꞈ

Dawˇ sha gaˇ sha piˇ.

Gʼuiˬ sha ve awˬ gʼeuˆ ba hkʼawꞈ

Shu htaꞈ maˍ piˇ loˬ.

2. Gʼuiˬ sha mvuhˇ miˬ awˬ lawn

Chaw yaˇ htaꞈ hto piˇ˗oˆ.

Gʼuˇ suhˍ lo ba tcuh leh

Ngaˬ hui awˬ vuiˬ te.

Liꞈ hpu hkʼaw awˬ gʼeuˆ lehˬ

Sheh kʼai laˇ chehˇ ve.

Awˬ tehˬ ve pehˬ piˇ ve kʼo,

Teˇ gʼaˇ le leuˆ gʼa.

3. Ha kʼaˉ ve awˬ gʼeuˆ lehˬ

Miˬ guiˬ hkʼoˆ ba chehˇ,

Tawˇ htaꞈ daꞈ tuˬ htehˍ piˇ,

Piˉ ko˗eˍ shehnˉ hkʼa shuˍ.

Awˬ gʼeuˆ chi ba tcuhˉ taˍ,

Cawˇ ve te a veuˬ.

Ngaˬ hui ve Gʼuiˬ sha mawˬ kʼo,

Yawˇ ha lehˬ jaˇ ve.