Kʼa muiˬ liꞈ 89
Na yuˬ ve, gʼaꞈ te ve, leh awˬ bon gʼa ve
-
1. Yeˍsuˆ Hkriꞈ ve tawˇ hkawˇ htaꞈ na gaˇ ve laˇ?
Yawˇ kʼoˆ maˍ ve awˬ gʼeuˆ ba la chehˇ ve.
Gʼa kaˇ htaˇ leh gʼa shiˍ htaˇ, ngaˬ hui ha lehˬ,
Na yuˬ leh gʼaꞈ te ve kʼo, awˬ bon gʼa.
(Kʼawꞈ kʼa kuiˬ)
Na yuˬ, gʼaꞈ te, awˬ bon gʼa,
Gʼuiˬ sha a loˍ shiˍ la htaˇ.
Yawˇ gʼaˇ jehˇ kuiˬ loꞈ e leh ha lehˬ tuˬ,
Na yuˬ, gʼaꞈ te, awˬ bon gʼa.
-
2. A shaꞈ teꞈ hkʼaˇ ngaˬ hui htaꞈ haꞈ shaˉ gʼa ve,
Haˉ pui hkʼoˆ lo te taˍ ve yehˬ hkʼa shuˍ.
Yeˍsuˆ beˆ maˍ laˇ hkawˇ htaꞈ ngaˬ hui yehˇ kʼo,
Haˉ pui hkʼoˆ lo a shaꞈ te taˍ ve yoˬ.
(Kʼawꞈ kʼa kuiˬ)
Na yuˬ, gʼaꞈ te, awˬ bon gʼa,
Gʼuiˬ sha a loˍ shiˍ la htaˇ.
Yawˇ gʼaˇ jehˇ kuiˬ loꞈ e leh ha lehˬ tuˬ,
Na yuˬ, gʼaꞈ te, awˬ bon gʼa.
-
3. Iˉ kaˆ lawˬ paˇ lo yeˬ chehˇ ve suhˆ cehˬ lehˬ
Awˬ yanˇ cawˇ kʼo, awˬ shiˍ nawꞈ la ve yoˬ.
Gʼuiˬ sha ve yaˇ hpehꞈ gaˇ kʼo, gʼa na yuˬ ve,
Awˬ bon gʼa leh co co teꞈ chehˇ tuˬ yoˬ.
(Kʼawꞈ kʼa kuiˬ)
Na yuˬ, gʼaꞈ te, awˬ bon gʼa,
Gʼuiˬ sha a loˍ shiˍ la htaˇ.
Yawˇ gʼaˇ jehˇ kuiˬ loꞈ e leh ha lehˬ tuˬ,
Na yuˬ, gʼaꞈ te, awˬ bon gʼa.
(Bon 28:2; Chiˇ 1:3; Tawˇ 10:22; Maꞈ 7:24-27; Luˉ 6:47-49 kaꞈ nyi sheˍ.)
