1. Awˬ viˉ awˬ nyi awˬ moˍ lonˉ chi

Laiˉ lanˬ gʼaˇ cawˬ ve yoˬ.

Teˇ gʼaˇ le le ka tiꞈ yeˬ,

Shaˉ hkiˆ hkanˍ ve chaw hpehꞈ.

Ngaˬ hui ve awˬ viˉ awˬ nyi

Cawˬ maˇ la chehˇ ve yoˬ.

Mvuhˇ miˬ leh tawˇ hkawˇ teˇ ceuˬ le le

Gʼuiˬ sha htaꞈ chiˇ mvuh ve.

2. Awˬ viˉ awˬ nyi awˬ moˍ lonˉ chi

Teˇ kaˬ le le hto toˇ.

Daꞈ ve awˬ lawn sha tanˇ htaꞈ

Laiˉ lanˬ gʼaˇ na gaˇ ve.

Haˍ ve awˬ yanˇ hpuˇ ve htawˇ,

Shu htaꞈ maˍ piˇ chehˇ sheˍ.

Yeˍsuˆ awˬ gʼaˇ nuˇ ve chaw hui htaꞈ

Gawˬ lehˍ ve cawˬ tcuh ve.

3. Awˬ viˉ awˬ nyi awˬ moˍ lonˉ chi

Gʼuiˬ sha nyi haꞈ shaˉ laˇ.

Miˬ guiˬ chi hkʼoˆ lo ngaˬ hui

Yawˇ ve kanˉ te chehˇ ve.

Ngaˬ hui ve awˬ viˉ awˬ nyi

Mvuhˇ miˬ awˬ lawn hto chehˇ.

Ngaˬ hui Gʼuiˬ sha geh teˇ geh kanˉ te,

Yawˇ awˬ pon te piˇ ve.