Kʼa muiˬ liꞈ 159
Yaˬhoˉvaˬ htaꞈ chiˇ mvuh ve
1. Yaˬhoˉvaˬ htaꞈ shuˍ ve maˇ cawˬ,
Mvuhˇ naw ma hk’oˆ lo chehˇ ve.
Nawˬ haꞈ pehnˇ hk’a peu-eˬ hpeuꞈ maw laˇ
Ngaˬ hk’aˬ hk’e te hk’awꞈ g’a tuˬ le?
Ngaˬ mvuhˇ naw ma lo chiˇ nyi htaˇ,
Nawˬ ve kanˇ paˆ htaꞈ mawˬ ve.
Aˬ ma te nawˬ ha k’aˉ laˇ ve
Yaˬhoˉvaˬ oˬ, ngaˬ a shu le?
(K’awꞈ k’a kuiˬ)
Yaˬhoˉvaˬ oˬ, ngaˬ k’a ve hkawˇ na laˇ-oˆ
Nawˬ htaꞈ chiˇ mvuh ve liꞈ hkawˇ.
Ngaˬ ve G’uiˬ sha leh co co ve Jawˇ mawˇ
Ngaˬ nawˬ htaꞈ hk’a peu-eˬ piˇ gaˇ;
Chiˇ mvuh ve nawˬ g’a keunˍ ve.
2. Ngaˬ ve a shaꞈ, nawˬ awˬ pon yoˬ.
Nawˬ chiˇ mvuh g’a tuˬ ngaˬ te.
Nawˬ daꞈ ve awˬ lawn ngaˬ k’oˆ gaˇ.
Nawˬ awˬ meꞈ awˬ hponˇ g’a keunˍ ve.
Yaˬhoˉvaˬ ve kanˉ ngaˬ te ve,
Awˬ meꞈ awˬ hponˇ daꞈ jaˇ ve.
Nawˬ ngaˬ ve awˬ g’aˇ hpehꞈ ve yoˬ.
Ngaˬ htaꞈ co co beˆ maˍ laˇ oˆ.
(K’awꞈ k’a kuiˬ)
Yaˬhoˉvaˬ oˬ, ngaˬ k’a ve hkawˇ na laˇ-oˆ
Nawˬ htaꞈ chiˇ mvuh ve liꞈ hkawˇ.
Ngaˬ ve G’uiˬ sha leh co co ve Jawˇ mawˇ
Ngaˬ nawˬ htaꞈ hk’a peu-eˬ piˇ gaˇ;
Chiˇ mvuh ve nawˬ g’a keunˍ ve.
3. Laˇ tsuhˇ laˉ shaˆ g’uiˬ leh hk’aw hk’oˆ,
Mvuhˇ nyi, ha pa, meuꞈ keu shiˍ
Ngaˬ ve nyi ma hk’aw ha lehˬ jaˇ
Nawˬ haꞈ pehnˇ ve co co yeˬ ve.
Awˬ meꞈ awˬ hponˇ, cuˇ yiˍ maˍ yiˍ,
Nawˬ awˬ hk’aw lo ngaˬ mawˬ ve
Nawˬ daꞈ jaˇ ve te laˇ ve chi
Nawˬ htaꞈ maˇ chiˇ mvuh ve maˇ hpehꞈ.
(K’awꞈ k’a kuiˬ)
Yaˬhoˉvaˬ oˬ, ngaˬ k’a ve hkawˇ na laˇ-oˆ
Nawˬ htaꞈ chiˇ mvuh ve liꞈ hkawˇ.
Ngaˬ ve G’uiˬ sha leh co co ve Jawˇ mawˇ
Ngaˬ nawˬ htaꞈ hk’a peu-eˬ piˇ gaˇ;
Chiˇ mvuh ve nawˬ g’a keunˍ ve.
(Chiˇ 96:1-10; 148:3, 7 kaꞈ nyi sheˍ.)
