Nawˬ htaꞈ haꞈ jaˇ
1. G’uiˬ sha geh g’a daꞈ jaˇ ve laꞈ shawnˍ,
Laꞈ shawnˍ chi ve haꞈ ve teˇ ceuˬ yoˬ.
Nawˬ leh ngaˬ ve nyi ma shiˍ hawˍ daꞈ htaˇ,
Daꞈ jaˇ ve awˬ yanˇ tanˬ cawˬ la ve.
(K’awꞈ k’a kuiˬ)
Dawˇ haˍ tuˬ ve maˇ heˆ ngaˬ hui haꞈ daꞈ ve chi,
Suhˉ veˆ ehˉ hk’a shuˍ,
Uiˍ la mvuh la.
Yaˬhoˉvaˬ sheh kai laˇ leh ga laˇ ve pa taw,
Haꞈ pehnˇ ve chi co co yeˬ tuˬ yoˬ.
Ngaˬ nawˬ htaꞈ haꞈ jaˇ,
Nawˬ htaꞈ haꞈ jaˇ.
2. Shoꞈ shaꞈ ve cawˬ htawˇ,
Yaꞈ hk’aˇ, haꞈ daꞈ ve chi kaꞈ maˇ la.
Ngaˬ hui htaꞈ teˇ g’aˇ kaꞈ hpaˆ laˇ maˇ g’a,
Haꞈ daꞈ leh hpaˆ daꞈ tuˬ awˬ nyi maˇ cawˬ.
Oˇ . . . Maˇ hpaˆ daꞈ.
(K’awꞈ k’a kuiˬ)
Dawˇ haˍ tuˬ ve maˇ heˆ ngaˬ hui haꞈ daꞈ ve chi.
Suhˉ veˆ ehˉ hk’a shuˍ,
Uiˍ la mvuh la.
Yaˬhoˉvaˬ sheh kai laˇ leh ga laˇ ve pa taw,
Haꞈ pehnˇ ve chi co co yeˬ tuˬ yoˬ.
Ngaˬ nawˬ htaꞈ haꞈ jaˇ,
Nawˬ htaꞈ haꞈ jaˇ.
(Teˇ ceuˬ k’awꞈ te k’a ve)
Teˇ g’aˇ kaꞈ hpaˆ laˇ maˇ g’a.
G’uiˬ sha geh laˬ ve laꞈ shawnˍ chi lehˬ daꞈ jaˇ.
Suh htaˇ hk’a gaˬ ngaˬ nawˬ htaꞈ tiˉ haꞈ tuˬ yoˬ.
Nawˬ ngaˬ ve “awˬ muꞈ ku,” “awˬ shaˍ hk’aw ve awˬ shaˍ.”
Nawˬ te ve teˇ ceuˬ le le k’oˆ kuiˬ maˇ cawˬ-o.
Ngaˬ nawˬ htaꞈ teˇ co˗e hk’a gaˬ haꞈ gaˇ.
3. Haꞈ ve nawˬ htaꞈ k’oˆ la gaˇ jaˇ.
Awˬ tehˬ haꞈ jaˇ ve chi nawˬ ceh tiˉ yoˬ.
Awˬ bon uiˍ jaˇ nawˬ ngaˬ geh g’a chehˇ ve,
Ngaˬ haꞈ jaˇ ve awˬ miˇ ma ehˉ-oˬ.
Ngaˬ haꞈ jaˇ.
(K’awꞈ k’a kuiˬ)
Dawˇ haˍ tuˬ ve maˇ heˆ ngaˬ hui haꞈ daꞈ ve chi.
Suhˉ veˆ ehˉ hk’a shuˍ,
Uiˍ la mvuh la.
Yaˬhoˉvaˬ sheh kai laˇ leh ga laˇ ve pa taw,
Haꞈ pehnˇ ve chi co co yeˬ tuˬ yoˬ.
Ngaˬ nawˬ htaꞈ haꞈ jaˇ,
Nawˬ htaꞈ haꞈ jaˇ.
Haꞈ ve chi hk’aˬ htaˆ kaꞈ haꞈ tuˬ yoˬ.
Nawˬ htaꞈ haꞈ jaˇ.
