Awˬ lawn 10
Gʼuiˬ sha hkawˇ na yuˬ ve chaw awˬ pon aˬ htoꞈ ma awˬ bon law taˍ ve le?
Suh peuˬ ve chaw maˇ˗awˍ ve miˬ guiˬ hkʼoˆ kʼawꞈ teꞈ tu la tuˬ yoˬ. Tcuh yaˇ 24:15
Yaˬhoˉvaˬ hkawˇ htaꞈ na yuˬ ve kʼo, awˬ gʼuˇ suhˍ hpawˇ nawˬ gʼa tuˬ ve awˬ bon htaꞈ a ciˉ dawˇ mawˬ nyi sheˍ. Nawˬ chehˇ sha cawˬ sha ve hkʼa biˇ cawˬ tuˬ yoˬ. Naˬ ve gawˬ ve chaw maˇ cawˬ. Maˇ daꞈ ve chaw cawˬ tuˬ ve maˇ heˆ. Teˇ gʼaˇ le le htaꞈ nawˬ yonˍ gʼa ve yoˬ.
Naˬ ve gawˬ ve, nyi ma luˬ ve leh, mehˆ gʼuiˬ yaꞈ ve teˇ pawˆ kaꞈ kʼawꞈ cawˬ tuˬ ve maˇ heˆ. Mawˇ kʼai leh suh ve chaw teˇ gʼaˇ kaꞈ maˇ cawˬ.
Nawˬ paˇ nawˬ kui lo, awˬ viˉ awˬ nyi leh awˬ chawˇ awˬ paˆ hkʼa biˇ cawˬ tuˬ yoˬ. Paˍraˍdiˇsuˆ hkʼaw ve a shaꞈ ha lehˬ tuˬ yoˬ.
Kawˆ tuˬ ve teˇ ceuˬ kaꞈ cawˬ tuˬ ve maˇ heˆ. Chaw yaˇ lehˬ dawˇ sha gaˇ sha jaˇ tehˬ tehˬ yoˬ.