Liꞈ hpu maˇ hawˍ daꞈ ve chaw liˇ vaˇ liˇ htaꞈ gʼa jaw kʼai ve yoˬ. Chi hkʼe te tuˬ gʼa haꞈ hanˉ ve yoˬ.

Hkʼaˬ ve teˇ mvuhˇ miˬ htawˇ maˇ kʼoˆ, mvuhˇ miˬ hpawˇ uˉ peunˍ ve awˬ moˍ teˇ hpaˍ htaꞈ taˇ caˉ daꞈ. Awˬ lawn kʼo, yawˇ hui Yaˬhoˉvaˬ hpawˇ leh Gʼuiˬ sha ve mvuhˇ miˬ uˉ peunˍ ve awˬ hkʼaˇ hpawˇ maˇ chehˇ.

Yaˬhoˉvaˬ ve Shaˉhkiˆhkanˍ ve chaw htaꞈ awˬ chawˇ meuˆ daꞈ loˬ. Gʼuiˬ sha geh jiˆ la tuˬ yawˇ hui nawˬ htaꞈ ga laˇ tuˬ yoˬ.

Gʼuiˬ sha awˬ lawn caˉ leh henˇ kʼai loˬ. Coˇ caˇ leh yawˇ ve awˬ liˇ tawˇ hkawˇ htaꞈ na yuˬ loˬ.

Nawˬ yonˍ ve teˇ ceuˬ awˬ gʼaˇ uiˍ la peuˬ ve kʼo, Yaˬhoˉvaˬ htaꞈ nawˬ awˬ to chiˇ aꞈ piˇ leh baˆtiˆsaˬ haꞈ yuˬ cawˇ ve yoˬ.—Maꞈhtehˍ 28:19.

Gʼuiˬ sha hkawˇ htaꞈ na yuˬ loˬ. Liꞈ hpu htaꞈ gʼaw loˬ. Na gʼa tuˬ Yaˬhoˉvaˬ ve Shaˉhkiˆhkanˍ ve chaw geh lawˬ loˬ. Henˇ shiˍ taˍ ve awˬ ceuˬ htaꞈ yuˬ yehˇ loˬ. Nawˬ chi hkʼe te ve kʼo, nawˬ co co taiˍ taiˍ gʼa teꞈ chehˇ tuˬ yoˬ.—Chiˇ mvuh ve 37:29.