Yaˬhoˉvaˬ lehˬ, yaˇ miˇ awˉ lawˉ teˇ gʼaˇ Eˇvaꞈ htaꞈ hpanˍ leh Aˍdanˍ ve awˬ miˇ ma hpehꞈ tcuh ve yoˬ.—Awˬ hkuiˉ puiˍ 2:21, 22.

Yaˬhoˉvaˬ yawˇ huiˉ maˬ htaꞈ biˇ jaˇ ve nyi ma leh awˬ to cawˬ ve chaw te hpanˍ ve yoˬ. Yawˇ huiˉ maˬ nyi cha kuiˬ maˇ cawˬ.

Yawˇ huiˉ maˬ ve chehˇ kuiˬ nyi sha jaˇ ve Paˍraˍdiˇsuˆ Eˍdenˍ hko hpehꞈ ve yoˬ. Oˇ kaˬ lo iˉ kaˆ lawˬ, iˉ shiˍ nawꞈ puiˉ ve suhˆ cehˬ leh, to nuˇ to shaˆ cawˬ ve yoˬ.

Yaˬhoˉvaˬ yawˇ huiˉ maˬ htaꞈ tawˇ yaw piˇ leh maˍ piˇ ve yoˬ. Yawˇ huiˉ maˬ yawˇ ve hkawˇ htaꞈ na yuˬ ve kʼo, miˬ guiˬ hkʼoˆ Paˍraˍdiˇsuˆ hkʼaw yawˇ huiˉ maˬ co co taiˍ taiˍ gʼa teꞈ chehˇ tuˬ yoˬ.

Yaˬhoˉvaˬ lehˬ, Aˍdanˍ leh Eˇvaꞈ htaꞈ hko hkʼaw lo cawˬ ve iˉ shiˍ cehˬ teˇ cehˬ htaꞈ maˍ piˇ leh kʼoˆ ve, yawˇ huiˉ maˬ iˉ shiˍ cehˬ oˇ ve htaꞈ caˇ ve kʼo suh tuˬ yoˬ.

Mvuhˇ naw ma tcuh yaˇ teˇ gʼaˇ Gʼuiˬ sha htaꞈ hpfuhˆ ve yoˬ. Maˇ daꞈ ve mvuhˇ naw ma tcuh yaˇ chi teˇ gʼaˇ lehˬ Neˇ haiˬ Saˍtanˍ hpehꞈ ve yoˬ.

Saˍtanˍ lehˬ, Aˍdanˍ leh Eˇvaꞈ htaꞈ Yaˬhoˉvaˬ hkawˇ htaꞈ maˇ na yuˬ tcuh gaˇ. Saˍtanˍ vuiˬ htaꞈ cuˇ leh Eˇvaꞈ htaꞈ kʼoˆ piˇ ve, yawˇ iˉ shiˍ cehˬ oˇ ve htaꞈ caˇ ve kʼo, maˇ suh ve awˬ hkʼoˆ kaꞈ Gʼuiˬ sha hkʼe leˇ hpehꞈ la tuˬ yoˬ. Chi hkʼe kʼoˆ ve lehˬ heˍ ve yoˬ.—Awˬ hkuiˉ puiˍ 3:1-5.