Ngaˬ hui Yaˬhoˉvaˬ nyi hkʼaˇ suh ve chaw hpehꞈ gaˇ ve kʼo, a yeˇ uiˍ ve chaw teˇ gʼaˇ hkawˇ htaꞈ gʼa kʼawꞈ na yuˬ ve yoˬ. Aˍdanˍ htaꞈ maˇ hpanˍ sheˍ htaˇ, Yaˬhoˉvaˬ lehˬ mvuhˇ naw ma hkʼoˆ lo kanˇ paˆ cawˬ ve awˬ ha teˇ gʼaˇ htaꞈ te hpanˍ taˍ ve maw jaˇ peuˬ ve yoˬ.

Awˬ yanˇ hpanˍ kʼai htaˇ, Yaˬhoˉvaˬ lehˬ chi teˇ gʼaˇ htaꞈ Behˍlehˍhehnˍ venˇ lo daꞈ kehˬ ve yaˇ miˇ Maˍriˆ geh paw la tuˬ peu laˇ ve yoˬ. Yaˇ ehˉ chi htaꞈ Yeˍsuˆ tehꞈ meh piˇ ve yoˬ.—Yoˇhanˬ 6:38.

Miˬ guiˬ hkʼoˆ chaw yaˇ hpehꞈ chehˇ htaˇ, Yeˍsuˆ lehˬ Gʼuiˬ sha ve awˬ hoꞈ awˬ han te hkʼaˇ dawˇ hkʼaˇ hkʼa biˇ ba tawˆ la ve yoˬ. Yawˇ lehˬ nyi ma daꞈ ve, haꞈ pehnˇ ve leh, shu yawˇ geh hkʼa sha sha˗ehˬ loꞈ˗e gʼa ve yoˬ. Chaw yaˇ Yaˬhoˉvaˬ htaꞈ caˉ daꞈ ve awˬ tehˬ ve awˬ lawn shiˍ tuˬ awˬ pon, yawˇ nyi ma haꞈ hanˉ ve hkʼaw maˍ piˇ ve yoˬ.

Naˬ ve gawˬ ve chaw htaꞈ Yeˍsuˆ gu na˗e piˇ leh suh taˍ ve chaw teˇ hpaˍ hpaˍ htaꞈ kʼawꞈ teꞈ tu la piˇ ve yoˬ.

Bon liˇ awˬ hoˉ awˬ naˬ hui Yeˍsuˆ htaꞈ canˇ ve yoˬ. Awˬ lawn kʼo, yawˇ hui awˬ tehˬ maˇ heˆ ve awˬ ceuˬ htaꞈ maˍ leh, haiˬ ve awˬ ceuˬ htaꞈ te ve yoˬ tehꞈ Yeˍsuˆ hpeuꞈ maˍ piˇ ve yoˬ.

Roˉmaꞈ chaw Yeˍsuˆ htaꞈ dawˆ leh tiˇ pehˍ tuˬ, bon liˇ awˬ hoˉ awˬ naˬ yawˇ hui htaꞈ juˆ piˇ ve yoˬ.