Awˬ laꞈ gʼawˇ hpehꞈ la tuˬ maˍ piˇ˗oˆ
Awˬ lawn 10
Caˉ leh maˍ piˇ ve
Awˬ liˇ awˬ hkʼaˇ: “Gʼuiˬ sha ve ha lehˬ ve bon hkawˇ ceh tiˉ nawˬ hui htaꞈ peꞈ laˇ ve maˇ heˆ, ngaˬ hui ve a shaꞈ htawˇ nawˬ hui htaꞈ peꞈ laˇ gaˇ jaˇ ve yoˬ. Awˬ lawn kʼo, nawˬ hui lehˬ ngaˬ hui haꞈ jaˇ ve chaw teˇ hpaˍ hpehꞈ la peuˬ.”—1 Hteˇsaˍlawˇniˆ 2:8.
Yeˍsuˆ hkʼaˬ hkʼe te ve le?
1. VDO nyi ve maˇ heˆ leh Yoˇhanˬ liꞈ 3:1, 2 gʼaw sheˍ. Peuˬ leh na hkawˇ chi teˇ hpaˍ htaꞈ dawˇ nyi sheˍ:
-
Nawˬ dawˇ kʼo aˬ htoꞈ ma te Niˆkawˇdeˍ tanˇ hkuinˇ htaˇ Yeˍsuˆ geh kʼai ve le?—Yoˇhanˬ 12:42, 43 hkʼaw nyi sheˍ.
-
Yeˍsuˆ tanˇ hkuinˇ htaˇ Niˆkawˇdeˍ htaꞈ ca mawˬ daꞈ˗e ve lehˬ, yawˇ awˬ laꞈ gʼawˇ hpehꞈ la tuˬ awˬ tehˬ ga piˇ gaˇ ve tehꞈ hkʼaˬ hkʼe hpeuꞈ maw laˇ ve le?
Yeˍsuˆ ve awˬ lawn aˬ htoꞈ ma maˍ laˇ ve le?
2. Ngaˬ hui chaw yaˇ htaꞈ haꞈ ve pa taw, yawˇ hui awˬ laꞈ gʼawˇ hpehꞈ la tuˬ coˇ caˇ leh ga piˇ gaˇ ve yoˬ.
Yeˍsuˆ htaꞈ henˇ yuˬ ve
3. Liꞈ hpu henˇ ve chaw tanˇ˗aˬ htaˇ leh yawˇ henˇ gaˇ ve awˬ ti lo maˍ piˇ ve. Yawˇ teˇ nyi nyi maˇ heˆ leh awˬ yanˇ teˇ yanˇ yanˇ htaˇ tanˇ ve yoˬ hehˉ. Leh yawˇ kanˉ te kuiˬ lo, aˉ hkʼaw lo, maˇ heˆ leh awˬ nu ve teˇ kaˬ lo yawˇ Liꞈ hpu henˇ gaˇ ve yoˬ hehˉ. Hkʼe te leh, yawˇ tanˇ ve awˬ yanˇ htaˇ leh yawˇ henˇ gaˇ ve awˬ ti lo ngaˬ hui coˇ caˇ leh Liꞈ hpu maˍ piˇ cawˇ ve yoˬ.
4. Hkʼaˬ htaˆ kaꞈ maˍ piˇ ve. Ngaˬ hui maˇ chehˇ ve kʼo, Liꞈ hpu maˇ maˍ piˇ ve taˇ te. Yaꞈ hkʼaˇ, awˬ hawˉ lo ve teˇ hpaˍ htaꞈ dawˇ nyi sheˍ:
-
Oˇ ve teˇ shinˉ hkʼaw awˬ nu ve teˇ nyi ngaˬ hui maˍ piˇ hpehꞈ˗aw laˇ?
-
Tawˇ yaw tuˬ awˬ hkʼeun maˇ heˆ leh awn˗laiˉ yehˇ leh maˍ piˇ hpehꞈ˗aw laˇ?
-
Awˬ nu ve awˬ viˉ awˬ nyi ngaˬ hui ve awˬ tan ca maˍ piˇ tcuh hpehꞈ˗aw laˇ?
5. Ngaˬ hui cawˇ ve dawˇ hkʼaˇ cawˬ tuˬ bon lawˬ ve. Liꞈ hpu henˇ ve chaw hkʼaˬ htaˆ kaꞈ maˇ henˇ gʼa ve, maˇ heˆ leh henˇ taˍ ve awˬ ceuˬ yawˇ maˇ yuˬ yehˇ sheˍ ve htawˇ, ngaˬ hui awˬ gʼaˇ maˇ nuˇ tuˬ Yaˬhoˉvaˬ geh bon lawˬ sheˍ. (Hpiˇliˇpiˆ 2:13) Liꞈ hpu henˇ ve chaw daꞈ ve te hkʼaˇ dawˇ hkʼaˇ laiˉ ceuˬ cawˬ ve yoˬ. Oˇ ve teˇ hpaˍ htaꞈ ngaˬ hui mawˬ tuˬ Yaˬhoˉvaˬ geh bon lawˬ cawˇ ve yoˬ.
