Awˬ laꞈ gʼawˇ hpehꞈ la tuˬ maˍ piˇ˗oˆ
Awˬ lawn 12
Hteˇ˗ehˬ beˆ maˍ piˇ haˆ ve
Awˬ liˇ awˬ hkʼaˇ: “Ngaˬ haꞈ ve chaw teˇ hpaˍ htaꞈ ngaˬ deˇ maˍ piˇ leh, hkʼa dehꞈ maˍ piˇ ve yoˬ.”—Hpeuꞈ maˍ ve 3:19.
Yeˍsuˆ hkʼaˬ hkʼe te ve le?
1. VDO nyi ve maˇ heˆ leh Maˍkuˆ liꞈ 10:17-22 gʼaw sheˍ. Peuˬ leh na hkawˇ chi teˇ hpaˍ htaꞈ dawˇ nyi sheˍ:
Yeˍsuˆ ve awˬ lawn aˬ htoꞈ ma maˍ laˇ ve le?
2. Ngaˬ hui haꞈ pehnˇ ve gʼa cawˬ cawˇ ve yoˬ. Yaꞈ hkʼaˇ, Liꞈ hpu henˇ ve chaw Yaˬhoˉvaˬ geh leuˉ leh meuˆ daꞈ tuˬ, yawˇ hkʼaˬ hkʼe gʼa te cawˇ ve htaꞈ kaꞈ hteˇ˗ehˬ gʼa kʼoˆ maˍ piˇ cawˇ ve yoˬ.
Yeˍsuˆ htaꞈ henˇ yuˬ ve
3. Liꞈ hpu henˇ ve chaw dawˇ teh taˍ ve leh gʼaꞈ te gʼa tuˬ ga piˇ ve.
-
Nawˬ ve a shaꞈ co co taiˍ taiˍ ha lehˬ gʼa ve! teˇ lawn leh teˇ lawn hkʼaw “Dawˇ teh taˍ ve” htaꞈ yehˇ sheˍ.
-
Liꞈ hpu henˇ ve chaw, chi teˇ tcuhˉ te tuˬ leh awˬ gʼuˇ suhˍ hpawˇ te tuˬ dawˇ teh taˍ ve htaꞈ hkʼaˬ hkʼe gʼaꞈ te gʼa ve shiˍ tuˬ ga piˇ sheˍ.
-
Liꞈ hpu henˇ ve chaw uiˍ la mvuh la ve htaꞈ mawˬ htaˇ chiˇ mvuh piˇ sheˍ.
4. Liꞈ hpu henˇ ve chaw maˇ uiˍ la mvuh la ve htaꞈ aˬ htoꞈ ma tawˍ piˇ ve gʼa shiˍ leh tawˍ piˇ ve htaꞈ yawˇ gʼaˇ tuˬ ga piˇ ve.
-
A shu yawˇ awˬ to htaꞈ na nyi cawˇ ve:
-
‘Ngaˬ geh Liꞈ hpu henˇ chehˇ ve chaw maˇ uiˍ la mvuh la leh Baˆtiˆsaˬ maˇ haꞈ yuˬ sheˍ ve kʼo, yawˇ htaꞈ tawˍ piˇ ve aˬ htoꞈ ma cawˬ sheˍ ve le?’
-
‘Ngaˬ yawˇ htaꞈ hkʼaˬ hkʼe ga piˇ gʼa tuˬ le?’
-
-
Liꞈ hpu henˇ ve chaw aˬ htoꞈ ma gʼa te cawˇ ve htaꞈ haꞈ pehnˇ ve hkʼaw hteˇ˗ehˬ kʼoˆ piˇ tuˬ, haꞈ hanˉ ve cawˬ tuˬ bon lawˬ sheˍ.
5. Liꞈ hpu henˇ ve chaw maˇ uiˍ la mvuh la ve htaꞈ maˇ maˍ˗o ve.
-
Ngaˬ hui geh Liꞈ hpu henˇ chehˇ ve chaw uiˍ la mvuh la chehˇ˗aw laˇ tehꞈ, hkʼa dehꞈ dawˇ nyi leh a shu yawˇ awˬ to htaꞈ na nyi cawˇ ve:
-
‘Henˇ taˍ ve awˬ ceuˬ yawˇ yuˬ yehˇ˗aw laˇ?’
-
‘Yawˇ hpawnˬ daꞈ la leh yawˇ gʼa henˇ taˍ ve awˬ ceuˬ awˬ nu ve chaw htaꞈ kʼoˆ maˍ piˇ˗aw laˇ?’
-
‘Yawˇ htaꞈ Liꞈ hpu maˍ piˇ ve awˬ yanˇ maw la˗oˬ htaˇ, yawˇ Yaˬhoˉvaˬ ve Shaˉhkiˆhkanˍ ve chaw hpehꞈ gaˇ˗aw laˇ?’
-
-
Liꞈ hpu henˇ ve chaw maˇ uiˍ la mvuh la ve kʼo:
-
Yawˇ maˇ uiˍ la mvuh la tuˬ aˬ htoꞈ ma te piˇ ve le, na nyi piˇ sheˍ.
-
Aˬ htoꞈ ma te ngaˬ hui yawˇ htaꞈ Liꞈ hpu maˇ maˍ la˗o ve le, nyi ma nuˇ nehˬ ve hkʼaw kʼoˆ maˍ piˇ sheˍ.
-
Ngaˬ hui caˉ leh yawˇ htaꞈ Liꞈ hpu kʼawꞈ maˍ piˇ tuˬ, yawˇ aˬ htoꞈ ma gʼa te cawˇ ve kaꞈ kʼoˆ maˍ piˇ sheˍ.
-
