Tawˇ tanˬ yaw daꞈ ve
Awˬ lawn 6
Haꞈ hanˉ ve
Awˬ liˇ awˬ hkʼaˇ: ‘Gʼuiˬ sha htaꞈ pa taw ngaˬ hui nyi ma haꞈ hanˉ te leh nawˬ hui htaꞈ ha lehˬ ve bon hkawˇ maˍ laˇ ve yoˬ.’—1 Hteˇsaˍlawˇniˆ 2:2.
Yeˍsuˆ hkʼaˬ hkʼe te ve le?
1. VDO nyi ve maˇ heˆ leh Luˉkaꞈ liꞈ 19:1-7 gʼaw sheˍ. Peuˬ leh na hkawˇ chi teˇ hpaˍ htaꞈ dawˇ nyi sheˍ:
Yeˍsuˆ ve awˬ lawn aˬ htoꞈ ma maˍ laˇ ve le?
2. Chaw teˇ gʼaˇ le le htaꞈ Gʼuiˬ sha ve mvuhˇ miˬ daꞈ ve awˬ lawn sha tanˇ hto maˍ piˇ tuˬ ngaˬ hui haꞈ hanˉ cawˇ ve yoˬ.
Yeˍsuˆ htaꞈ henˇ yuˬ ve
3. Yaˬhoˉvaˬ htaꞈ gʼaˇ va ve. Gʼuiˬ sha ve awˬ ha hpu lehˬ Yeˍsuˆ awˬ gʼaˇ cawˬ leh bon maˍ tuˬ ga piˇ ve yoˬ. Gʼuiˬ sha ve awˬ ha hpu chi lehˬ, ngaˬ hui teˇ gʼaˇ le le htaꞈ kaꞈ ga laˇ gʼa ve yoˬ. (Maꞈhtehˍ 10:19, 20; Luˉkaꞈ 4:18) Ngaˬ hui kawˆ ve chaw htaꞈ haꞈ hanˉ ve hkʼaw hto maˍ piˇ gʼa tuˬ, Yaˬhoˉvaˬ ga laˇ tuˬ lawˬ cawˇ ve yoˬ.—Tcuh yaˇ 4:29.
4. Awˬ nu ve chaw htaꞈ maˇ dawˇ cheˆ piˇ ve. Yawˇ ve mehˆ hpfuhˇ leh awˬ hoꞈ awˬ han, yawˇ ve a shaꞈ teꞈ hkʼaˇ, yawˇ aˉ yaˇ cawˬ ve chaw hpehꞈ ve, maˇ heˆ leh yawˇ aˬ htoꞈ ma ve bon liˇ htaꞈ yonˍ ve, chi teˇ hpaˍ htaꞈ ngaˬ hui mawˬ htaˇ, ngaˬ hui tawˇ maˇ yaw daꞈ gaˇ ve yoˬ hehˉ. Yaꞈ hkʼaˇ, ngaˬ hui maˇ leunˇ cawˇ ve lehˬ:
5. Haꞈ hanˉ ve cawˬ ve htawˇ shaˍ tiꞈ gʼa te leh yawˆ yaw piˇ ve. (Maꞈhtehˍ 10:16) Awˬ nu ve chaw geh taˇ gʼawˬ daꞈ. Daꞈ ve awˬ lawn sha tanˇ maˇ na gaˇ ve, maˇ heˆ leh kawˆ tuˬ cawˬ ve chaw htaꞈ ngaˬ hui mawˬ daꞈ htaˇ, na sha ve hkʼaw tawˇ yaw piˇ leh maˇ kʼawꞈ caˉ yaw ve yoˬ.—Tawˇ naˉ ve 17:14.
