Nyi ma pfuhˇ ve chaw geh ca kʼawꞈ guiˇ˗e ve
Awˬ lawn 7
Caˉ leh coˇ caˇ ve
Awˬ liˇ awˬ hkʼaˇ: ‘Yawˇ hui hkʼaˬ htaˆ kaꞈ maˍ piˇ leh bon maˍ tcuhˉ taˍ ve yoˬ.’—Tcuh yaˇ 5:42.
Pawˇluꞈ hkʼaˬ hkʼe te ve le?
1. VDO nyi ve maˇ heˆ leh Tcuh yaˇ liꞈ 19:8-10 gʼaw sheˍ. Peuˬ leh na hkawˇ chi teˇ hpaˍ htaꞈ dawˇ nyi sheˍ:
Pawˇluꞈ ve awˬ lawn aˬ htoꞈ ma maˍ laˇ ve le?
2. Ca kʼawꞈ guiˇ˗e leh Liꞈ hpu tanˬ maˍ piˇ tuˬ ngaˬ hui awˬ yanˇ yehˇ leh gʼa coˇ caˇ ve yoˬ.
Pawˇluꞈ htaꞈ henˇ yuˬ ve
3. Awˬ nu ve chaw tanˇ˗a htaˇ ca kʼawꞈ guiˇ˗e ve. A shu yawˇ awˬ to htaꞈ na nyi cawˇ ve, ‘ngaˬ yawˇ htaꞈ hkʼaˬ hkʼe htaˇ caˉ daꞈ leh kʼai cawˇ ve le? Yawˇ ngaˬ geh tawˇ yaw daꞈ gʼa tuˬ hkʼaˬ hkʼe htaˇ le, leh hkʼaˬ kaˬ lo le?’ Ngaˬ hui hkʼa dehꞈ maˇ tanˇ ve htawˇ, coˇ caˇ leh yawˇ hui geh ca kʼawꞈ guiˇ˗e piˇ sheˍ.
4. Awˬ yanˇ tinˍ piˇ ve. Ngaˬ hui yawˇ geh hkʼaˬ hkʼe htaˇ ca kʼawꞈ guiˇ˗e tuˬ awˬ yanˇ tinˍ piˇ leh awˬ yanˇ tinˍ taˍ ve hkʼe gʼaꞈ te sheˍ.
5. Dawˇ law taˍ ve. Ngaˬ hui laiˉ pawˆ kʼai leh maˇ mawˬ daꞈ ve, maˇ heˆ leh yawˇ maˇ tanˇ ve kʼo, nyi ma maˇ pfuhˇ ve tehꞈ taˇ dawˇ cheˆ piˇ. (1 Kawˇrenˍhtuˆ 13:4, 7) Chi hkʼe te ve aꞈ kehˉ, ngaˬ hui yawˇ htaꞈ gʼa mawˬ daꞈ tuˬ coˇ caˇ cawˇ ve yoˬ. Yaꞈ hkʼaˇ, ngaˬ hui cuˇ yiˍ cawˬ ve hkʼaw awˬ yanˇ htaꞈ kaꞈ gʼa yehˇ cawˇ ve yoˬ.—1 Kawˇrenˍhtuˆ 9:26.
