Chaw teˇ hpaˍ yawˇ shiˍ gaˇ jaˇ ve na hkawˇ na laˇ ve, maˇ heˆ leh ngaˬ hui kʼoˆ ve awˬ ceuˬ yawˇ maˇ shiˍ ve pa taw maˇ dawˇ cawˇ ve chaw htaꞈ gʼa mawˬ daꞈ ve kʼo, ngaˬ hui kaꞈ yawˇ geh caˉ leh kʼawꞈ yaw daꞈ tuˬ yoˬ. Awˬ lawn kʼo, ngaˬ hui lehˬ ‘Gʼuiˬ sha htaꞈ ca ve chaw hui’ geh yaw daꞈ gaˇ ve yoˬ.—Heˍbrehˇ 11:6.

Yaꞈ hkʼaˇ, ngaˬ hui yaw daꞈ ve chaw nyi ma zuhˆ ve, tawˇ gʼawˬ daꞈ gaˇ ve, maˇ heˆ leh ngaˬ hui geh maˇ kʼawꞈ yaw daꞈ gaˇ ve kʼo˗ehꞈ? Ngaˬ hui nyi ma nuˇ nehˬ ve hkʼaw tawˇ maˇ kʼawꞈ caˉ yaw ve yoˬ. (Tawˇ naˉ ve 17:14) Chi hkʼoˆ kaꞈ, nga hui tawˇ daꞈ daꞈ yaw piˇ ve kʼo, awˬ gʼuˇ suhˍ hpawˇ yawˇ ngaˬ hui geh tawˇ kʼawꞈ yaw daꞈ gaˇ tuˬ naˍ maˇ shiˍ.—1 Peˍtruˆ 2:12.