Kʼoˆ maˍ ve awˬ lawn C
Liꞈ hpu maˍ piˇ tuˬ Nawˬ ve a shaꞈ co co taiˍ taiˍ ha lehˬ gʼa ve! liꞈ kʼoˆ hkʼaˬ hkʼe yehˇ gʼa ve le?
Nawˬ ve a shaꞈ co co taiˍ taiˍ ha lehˬ gʼa ve! liꞈ te tawˆ htaˇ, liꞈ chi teˇ kʼoˆ hkʼaw awˬ lawn awˬ tanˇ aˬ htoꞈ ma cawˬ cawˇ ve, awˬ viˉ awˬ nyi teˇ hpaˍ bon hkʼa dehꞈ lawˬ leh dawˇ nyi ve yoˬ. Liꞈ hpu maˍ htaˇ, awˬ lawn chi ve htaꞈ ngaˬ hui hkʼa dehꞈ dawˇ nyi sheˍ. Liꞈ kʼoˆ chi htaꞈ awˬ bon hkʼa dehꞈ gʼa tuˬ, Liꞈ hpu maˍ htaˇ awˬ hawˉ lo cawˬ ve awˬ lawn hkʼe te sheˍ.
Maˇ maˍ˗e sheˍ htaˇ
-
1. Liꞈ hpu maˇ maˍ˗e sheˍ htaˇ, hkʼa dehꞈ gu sheˍ. Ngaˬ hui geh Liꞈ hpu henˇ ve chaw aˬ htoꞈ ma loˍ ve, leh yawˇ hkʼaˬ hkʼe yonˍ ve tehꞈ hkʼa dehꞈ dawˇ nyi sheˍ. Ngaˬ hui geh henˇ ve chaw aˬ htoꞈ ma awˬ lawn na gʼa tuˬ, leh yuˬ yehˇ tuˬ haˍ ve le tehꞈ awˉ lawˉ dawˇ nyi cawˇ ve yoˬ. “Kʼawꞈ caˉ nyi gʼa ve” hkʼaw ve awˬ lawn ngaˬ hui geh henˇ ve chaw htaꞈ hkʼaˬ hkʼe ga piˇ gʼa ve dawˇ nyi leh yawˇ htaꞈ maˍ piˇ chehˇ htaˇ awˬ lawn chi yuˬ yehˇ gʼa ve yoˬ.
Maˍ chehˇ htaˇ
-
2. Liꞈ hpu henˇ ve chaw ngaˬ hui htaꞈ bon lawˬ tcuh gaˇ ve kʼo, maˇ henˇ sheˍ htaˇ leh henˇ peuˬ hkʼawꞈ nawˉ bon lawˬ sheˍ.
-
3. Tawˇ chi ma ma taˇ yaw. Liꞈ kʼoˆ hkʼaw ve awˬ lawn kʼoˆ leh Liꞈ hpu henˇ ve chaw hkʼaˬ hkʼe dawˇ ve kʼoˆ tcuh sheˍ.
-
4. Teˇ tawn leh teˇ tawn tanˬ htaˇ oˇ ve hkʼaw a yeˇ uiˍ ve awˬ lawn htaꞈ gʼaw leh henˇ tuˬ ve awˬ lawn teˇ lawn lawn htaꞈ kʼoˆ maˍ piˇ sheˍ.
-
5. Teˇ tawn leh teˇ tawn htaꞈ henˇ peuˬ hkʼawꞈ nawˉ Liꞈ hpu henˇ ve chaw henˇ taˍ ve awˬ ceuˬ htaꞈ tawnˇ gʼa tuˬ, kʼawꞈ gʼaꞈ na ve awˬ lawn htaꞈ yehˇ sheˍ.
-
6. Teˇ lawn leh teˇ lawn maˍ piˇ chehˇ htaˇ:
-
Awˬ lawn hkʼaw gʼaw sheˍ.
-
Liꞈ hpu awˬ tawn “Gʼaw sheˍ” kʼoˆ laˇ ve hkʼaw hkʼa peu˗eˬ htaꞈ gʼaw sheˍ.
-
Liꞈ hpu awˬ tawn awˬ nu ve teˇ hpaˍ htaꞈ gʼaw cawˇ ve kʼo, gʼaw sheˍ.
-
Te gʼa ve kʼo, VDO “Hpaw” kʼoˆ laˇ ve hkʼa peu˗eˬ htaꞈ hpaw sheˍ.
-
Na hkawˇ teˇ maˬ le le htaꞈ na piˇ sheˍ.
-
“Henˇ shiˍ maˇ la tuˬ” hkʼaw ve awˬ han Liꞈ hpu henˇ ve chaw htaꞈ nyi tcuh leh awˬ han oˇ ve htaꞈ caˉ daꞈ ve yawˇ htaꞈ na piˇ sheˍ.
-
“Dawˇ teh taˍ ve” hkʼaw yawˇ hkʼaˬ hkʼe taw uiˍ la mvuh la ve htaꞈ nyi tcuh sheˍ. Liꞈ kʼoˆ hkʼaw kʼoˆ ve hkʼe dawˇ teh taˍ ve, maˇ heˆ leh dawˇ teh taˍ ve awˬ nu ve teˇ hpaˍ cawˬ tuˬ ga piˇ sheˍ.
-
Yawˇ Liꞈ hpu maˇ henˇ sheˍ awˉ lawˉ gu teh htaˇ, “Kʼawꞈ caˉ nyi gʼa ve” hkʼaw VDO maˇ heˆ leh awˬ lawn hkʼaˬ ve teˇ lawn yawˇ dawˇ cawˇ jaˇ ve le tehꞈ na piˇ sheˍ.
-
Teˇ lawn ve htaꞈ teˇ pawˆ henˇ peuˬ tcuh sheˍ.
-
Maˍ peuˬ hkʼawꞈ nawˉ
-
7. Liꞈ hpu henˇ chehˇ ve chaw awˬ pon dawˇ nyi piˇ sheˍ. Yawˇ co ha hpawˇ uiˍ la mvuh la tuˬ leh yawˇ htaꞈ caˉ leh kʼawꞈ ga piˇ tuˬ Yaˬhoˉvaˬ geh bon lawˬ sheˍ.
