Awˬ lawn 1
Tawˇ hkawˇ awˉ lawˉ yaw ve awˬ bon cawˬ ve
Tcuh yaˇ 17:22
A yeˇ yuˬ cawˇ ve: Nawˬ tawˇ hkawˇ awˉ lawˉ yaw htaˇ na taˍ ve chaw nyi ma pfuhˇ tuˬ te sheˍ, nawˬ kʼoˆ gaˇ ve awˬ lawn kʼoˆ piˇ sheˍ, aˬ htoꞈ ma te na taˍ ve chaw awˬ lawn chi htaꞈ a yeˇ yuˬ cawˇ ve tehꞈ kʼoˆ maˍ sheˍ.
Te tuˬ awˬ hkʼaˇ:
-
Na taˍ ve chaw nyi ma pfuhˇ tuˬ te piˇ ve. Na taˍ ve chaw nyi ma pfuhˇ tuˬ, na hkawˇ, hpehꞈ laˬ ve awˬ lawn, awˬ lawn sha tanˇ, maˇ heˆ leh awˬ nu ve awˬ lawn leuˆ yuˬ sheˍ.
-
Kʼoˆ gaˇ ve awˬ lawn kʼoˆ piˇ ve. Nawˬ aˬ htoꞈ ma awˬ lawn maˍ tuˬ ve le, aˬ htoꞈ ma te awˬ lawn chi ve maˍ piˇ gaˇ ve le, na taˍ ve chaw hkʼa dehꞈ na gʼa tuˬ kʼoˆ maˍ sheˍ.
-
Aˬ htoꞈ ma te awˬ lawn chi a yeˇ uiˍ ve kʼoˆ piˇ ve. Na taˍ ve chaw loˍ ve hkʼe nawˬ tawˇ yaw ve htaꞈ hawˍ daꞈ piˇ sheˍ. Awˬ lawn chi ve yawˇ htaꞈ hkʼaˬ hkʼe ga piˇ gʼa ve yawˇ hkʼa dehꞈ na gʼa tuˬ kʼoˆ piˇ sheˍ.
