Awˬ hkawˇ bvuhˬ ve maˇ bvuhˬ ve yaw ve. Hkʼaˬ ve teˇ tawn a yeˇ uiˍ ve kʼoˆ maˍ tuˬ, na taˍ ve chaw gʼaꞈ te gaˇ tuˬ, awˬ hkawˇ bvuhˬ chaweh yaw sheˍ. Liꞈ hpu hkʼaw suhˉ jehˬ ve tawˇ hkawˇ htaꞈ gʼaw htaˇ, chi hkʼe te sheˍ. Dawˇ haˍ ve leh kawˆ tuˬ ve tawˇ hkawˇ htaꞈ gʼaw htaˇ, awˬ hkawˇ taˇ bvuhˬ piˇ.

Awˬ hkawˇ mvuh ve nehˬ ve yaw ve. Nawˬ nyi ma pfuhˇ ve hkʼaw tawˇ yaw htaˇ, leh hkʼaˬ hkʼe taw uiˍ ve, hkʼaˬ hkʼe taw vuiˇ ve kʼoˆ piˇ htaˇ, awˬ hkawˇ mvuh chaweh yaw sheˍ. Nyi ma luˬ ve leh dawˇ haˍ ve awˬ lawn kʼoˆ htaˇ, awˬ hkawˇ nehˬ lehˍ ve yaw sheˍ.

Tawˇ yaw vaiˇ leh yaw naiˇ ve. Ha lehˬ ve awˬ lawn kʼoˆ htaˇ, a ciˉ vaiˇ chaweh yaw sheˍ. A yeˇ uiˍ ve awˬ lawn kʼoˆ htaˇ, a ciˉ yaw naiˇ sheˍ.