Maˍ tuˬ ve awˬ lawn nawˬ ve nyi ma hkʼaw cawˬ tcuh ve. Nawˬ maˍ tuˬ ve awˬ lawn gu htaˇ, awˬ lawn chi ve a yeˇ hkʼaˬ hkʼe taw uiˍ ve hkʼa dehꞈ dawˇ nyi sheˍ. Nawˬ maˍ tuˬ ve awˬ lawn nyi ma hkʼaw tawˆ la gʼa tuˬ, awˬ lawn oˇ ve htaꞈ nawˬ hkʼa dehꞈ shiˍ tuˬ, coˇ caˇ sheˍ.

Na taˍ ve chaw awˬ pon dawˇ nyi ve. Nawˬ gʼaw tuˬ ve leh maˍ tuˬ ve awˬ lawn na taˍ ve chaw awˬ pon awˬ bon hkʼaˬ hkʼe cawˬ ve hkʼa dehꞈ dawˇ nyi sheˍ. Nawˬ maˍ tuˬ ve awˬ lawn awˬ hpfuhˇ hkʼaˆ jaˇ tehꞈ na taˍ ve chaw shiˍ tuˬ, nawˬ kʼoˆ tuˬ ve awˬ hkʼaˇ hkʼa dehꞈ dawˇ nyi sheˍ.

Nyi ma hkʼaw tawˆ la piˇ ve. Nyi ma pfuhˇ ve hkʼaw maˍ piˇ sheˍ. Nawˬ hkʼaˬ hkʼe dawˇ ve hpeuꞈ maw piˇ tuˬ, nawˬ mehˆ hpfuhˇ, awˬ hoꞈ awˬ han, laꞈ sheh te sheˍ.