Awˬ lawn 14
A yeˇ uiˍ ve htaꞈ hkʼa tawˍ lehˆ tawˆ la tcuh ve
Heˍbrehˇ 8:1
A yeˇ yuˬ cawˇ ve: Na taˍ ve chaw nawˬ maˍ hkawˇ htaꞈ gʼaꞈ mi tuˬ ga piˇ sheˍ. A yeˇ uiˍ ve teˇ ceuˬ peuˬ teˇ ceuˬ nawˬ dawˇ law taˍ ve leh awˬ lawn lonˉ ma htaꞈ hkʼaˬ hkʼe te caˉ daꞈ ve tehꞈ hkʼa tawˍ lehˆ kʼoˆ piˇ sheˍ.
Te tuˬ awˬ hkʼaˇ:
-
Dawˇ law tuˬ cawˬ ve. Maˍ tuˬ ve awˬ lawn gu htaˇ, na taˍ ve chaw htaꞈ aˬ htoꞈ ma awˬ lawn shiˍ tcuh gaˇ ve le, aˬ htoꞈ ma awˬ lawn yonˍ tcuh gaˇ ve le, aˬ htoꞈ ma te tcuh gaˇ ve le tehꞈ dawˇ law taˍ sheˍ. Dawˇ law taˍ ve hkʼe gʼa tuˬ, a yeˇ uiˍ ve htaꞈ hkʼa dehꞈ gu taˍ sheˍ.
-
Awˬ lawn lonˉ ma htaꞈ a yeˇ yuˬ ve. Tawˇ tanˬ yaw leh peuˬ htaˇ hkʼa gaˬ, awˬ lawn lonˉ ma htaꞈ a yeˇ yuˬ tuˬ, a yeˇ uiˍ ve tawˇ leh tcuhˉ kuiˬ shuˍ daꞈ ve tawˇ teˇ hpaˍ htaꞈ yehˇ sheˍ.
-
A yeˇ uiˍ ve htaꞈ hkʼa tawˍ lehˆ mawˬ leh na sha tuˬ te ve. Tinˍ taˍ ve awˬ yanˇ hkʼaw hkʼa dehꞈ maˍ gʼa tuˬ, awˬ lawn lonˉ ma htaꞈ caˉ daꞈ ve a yeˇ uiˍ ve awˬ ceuˬ ceh tiˉ leuˆ yuˬ sheˍ. A yeˇ uiˍ ve laiˉ ceuˬ taˇ cawˬ tcuh, teˇ ceuˬ leh teˇ ceuˬ hkʼa tawˍ lehˆ kʼoˆ maˍ piˇ sheˍ, awˬ nu ve a yeˇ uiˍ ve teˇ ceuˬ htaꞈ maˇ kʼoˆ sheˍ htaˇ teˇ hkui jehˇ sheˍ. Teˇ tawn le le caˉ daꞈ piˇ sheˍ.
