Awˬ lawn 18
Na taˍ ve chaw htaꞈ cu yiˇ maˍ yiˍ piˇ ve
1 Kawˇrenˍhtuˆ 9:19-23
A yeˇ yuˬ cawˇ ve: Na taˍ ve chaw dawˇ nyi puiˉ la tuˬ, gʼa henˇ ve awˬ hpfuhˇ hkʼaˆ ve tehꞈ yawˇ shiˍ tuˬ ga piˇ sheˍ.
Te tuˬ awˬ hkʼaˇ:
-
Na taˍ ve chaw aˬ htoꞈ ma shiˍ˗oˬ ve dawˇ nyi ve. Kaˇ jaw ve awˬ ceuˬ kʼoˆ ve aꞈ kehˉ awˬ lawn oˇ ve hkʼaw awˬ suhˉ teˇ hpawˇ kʼawꞈ chaˬ nyi tuˬ ga piˇ sheˍ.
-
Ca hpfuhˆ nyi leh hkʼa dehꞈ dawˇ nyi ve. A yeˇ uiˍ ve htaꞈ maˍ tuˬ, shu tcuhˇ tcuhˬ maˇ shiˍ ve awˬ ceuˬ yehˇ hpehꞈ ve yoˬ. Maˍ tuˬ ve awˬ lawn htaꞈ hkʼa dehꞈ dawˇ nyi sheˍ. Nawˬ maˍ tuˬ ve awˬ lawn leh awˬ lawn awˬ tanˇ teˇ hpaˍ hkʼaˬ hkʼe caˉ daꞈ ve dawˇ nyi sheˍ.
-
Nawˬ maˍ ve awˬ bon cawˬ ve yoˬ tehꞈ hpeuꞈ maw piˇ ve. Liꞈ hpu hkʼaw cawˬ ve awˬ ceuˬ na taˍ ve chaw htaꞈ hkʼaˬ hkʼe ga piˇ gʼa ve kʼoˆ maˍ piˇ sheˍ. Na taˍ ve chaw htaꞈ caˉ daꞈ ve awˬ lawn leh te hkʼaˇ dawˇ hkʼaˇ htaꞈ teˇ geh jehˬ daꞈ sheˍ.
