Na taˍ ve chaw a shu yawˇ awˬ to htaꞈ chaˬ nyi tuˬ ga piˇ ve. Chi hkʼe te tuˬ, na hkawˇ yehˇ sheˍ.

Nyi ma hkʼaw cawˬ ve daꞈ ve awˬ ceuˬ htaꞈ a yeˇ te piˇ ve. Aˬ htoꞈ ma pa taw na taˍ ve chaw daꞈ ve htaꞈ te gaˇ ve le tehꞈ chaˬ nyi tuˬ ga piˇ sheˍ. Daꞈ jaˇ ve dawˇ hkʼaˇ cawˬ tuˬ ga piˇ sheˍ. Chi lehˬ Yaˬhoˉvaˬ htaꞈ haꞈ ve, shu htaꞈ haꞈ ve, leh Liꞈ hpu maˍ ve htaꞈ haꞈ ve yoˬ. Liꞈ hpu hkʼaw ve cuˇ yiˍ na taˍ ve chaw mawˬ tuˬ ga piˇ sheˍ. Deˇ maˍ piˇ ve taˇ te. Yawˇ htaꞈ venˇ beˆ taˇ taˍ. Nawˬ maˍ peuˬ htaˇ, yawˇ awˬ gʼaˇ gʼa cawˇ ve yoˬ. Yawˇ te gʼa ve hkʼe, daꞈ jaˇ ve awˬ ceuˬ te tuˬ awˬ gʼaˇ piˇ sheˍ.

Yaˬhoˉvaˬ htaꞈ chiˇ mvuh ve. Gʼuiˬ sha daꞈ ve te hkʼaˇ dawˇ hkʼaˇ leh yawˇ ve haꞈ pehnˇ ve mawˬ tuˬ, Liꞈ hpu hkʼaw ve beˆ maˍ laˇ hkawˇ, awˇ liˇ awˬ hkʼaˇ, awˬ liˇ tawˇ hkawˇ chi teˇ hpaˍ hkʼaˬ hkʼe ga piˇ gʼa ve le tehꞈ kʼoˆ maˍ piˇ sheˍ. Na taˍ ve chaw Yaˬhoˉvaˬ ve dawˇ hkʼaˇ htaꞈ shiˍ gaˇ tuˬ, leh nyi hkʼaˇ suh tuˬ te piˇ gaˇ tuˬ ga piˇ sheˍ.