Awˬ lawn 20
Tawˇ hkawˇ awˬ leh meuˇ yaw ve awˬ bon cawˬ ve
Cuˇ yiˍ piˇ ve 12:13, 14
A yeˇ yuˬ cawˇ ve: Hpehˇ˗a yoˬ te htaˇ, henˇ taˍ ve awˬ ceuˬ htaꞈ na taˍ ve chaw haꞈ yuˬ leh yuˬ yehˇ tuˬ ga piˇ sheˍ.
Te tuˬ awˬ hkʼaˇ:
-
Tawˇ hkawˇ awˬ leh meuˇ yaw ve leh awˬ lawn lonˉ ma htaꞈ hawˍ daꞈ piˇ ve. A yeˇ uiˍ ve awˬ ceuˬ maˇ heˆ leh awˬ lawn lonˉ ma htaꞈ teˇ pawˆ kʼawꞈ kʼoˆ sheˍ.
-
Na taˍ ve chaw nyi ma pfuhˇ tuˬ te piˇ ve. Yawˇ aˬ htoꞈ ma te cawˇ ve, oˇ hkʼe te ve kʼo aˬ htoꞈ ma awˬ bon gʼa tuˬ le tehꞈ kʼoˆ maˍ piˇ sheˍ. Maˍ chehˇ ve awˬ lawn htaꞈ nawˬ awˬ tehˬ awˬ na yonˍ leh a yeˇ uiˍ ve yoˬ tehꞈ na taˍ ve chaw shiˍ tuˬ, nyi ma hkʼaw tawˆ la ve yaw sheˍ.
-
Tawˇ hkawˇ awˬ leh meuˇ yaw htaˇ hkʼa sha sha˗ehˬ leh chi suhˉ˗ehˬ yaw ve. A yeˇ uiˍ ve awˬ lawn awˬ suhˉ htaꞈ taˇ kʼoˆ kʼai. Tawˇ chi suh suh taˇ yaw. Na taˍ ve chaw teˇ ceuˬ ceuˬ te tuˬ kʼoˆ piˇ sheˍ.
