Awˬ lawn 5
Cawˇ ve hkʼaw gʼaw ve
1 Tiˆmoˉseˍ 4:13
A yeˇ yuˬ cawˇ ve: Liꞈ kʼoˆ hkʼaw cawˬ ve liꞈ mehˆ teˇ mehˆ le le cawˇ ve hkʼaw gʼaw sheˍ.
Te tuˬ awˬ hkʼaˇ:
-
Hkʼa dehꞈ gu ve. Aˬ htoꞈ ma te liꞈ chi hkʼe te bvuhꞈ ve dawˇ nyi sheˍ. Liꞈ gʼaw jawˬ htaˇ teˇ mehˆ teˇ mehˆ taˇ te gʼaw. Liꞈ gʼaw leˆ piˇ sheˍ. Gʼaw htehˍ ve, gʼaw ce ve, maˇ heˆ leh tawˇ hkawˇ pa ve chi teˇ hpaˍ htaꞈ maˇ te tuˬ, shaˍ tiꞈ te sheˍ. Jehˇ kuiˬ, jehˇ cawˇ ve awˬ maiˉ htaꞈ hkʼa dehꞈ nyi sheˍ.
-
Teˇ mehˆ le le gʼaw piꞈ piˇ ve. Gʼaw tawˆ tuˬ awˬ hkawˇ maˇ shiˍ ve kʼo, diˆshaˍnaˍ liˍ hkʼaw hpeuꞈ nyi ve, gʼaw keu taˍ ve awˬ hkawˇ htaꞈ na ve, maˇ heˆ leh gʼaw cheuˬ ve chaw htaꞈ ga laˇ tcuh sheˍ.
-
Tawˇ yaw piꞈ ve. Oˉ kʼoˍ hteˇ˗ehˍ te leh mawꞈ kʼaw kʼoˍ chaweh ngaˉ sheˍ. Liꞈ mehˆ teˇ mehˆ le le ve awˬ hkawˇ cawˇ ve hkʼaw gʼaw tawˆ tuˬ coˇ caˇ sheˍ.
