Awˬ lawn 6
Liꞈ hpu awˬ tawn hkʼa tawˍ lehˆ kʼoˆ maˍ piˇ ve
Yoˇhanˬ 10:33-36
A yeˇ yuˬ cawˇ ve: Liꞈ hpu gʼaw peuˬ leh teˇ pawˆ tiˉ awˬ kaˍ awˬ nu kʼoˆ kʼai ve taˇ te. Nawˬ gʼaw ve Liꞈ hpu awˬ tawn leh nawˬ kʼoˆ tuˬ ve a yeˇ uiˍ ve awˬ ceuˬ teˇ hpaˍ hkʼaˬ hkʼe te caˉ daꞈ ve na taˍ ve chaw htaꞈ kʼoˆ maˍ piˇ sheˍ.
Te tuˬ awˬ hkʼaˇ:
-
A yeˇ uiˍ ve tawˇ htaꞈ leuˆ yuˬ ve. Liꞈ hpu gʼaw peuˬ hkʼawꞈ nawˉ, nawˬ maˍ chehˇ ve awˬ lawn htaꞈ caˉ daꞈ ve a yeˇ uiˍ ve tawˇ kʼoˆ piˇ sheˍ. Maˇ heˆ leh hkʼaˬ ve teˇ hkawˇ a yeˇ uiˍ ve na taˍ ve chaw shiˍ tuˬ, na hkawˇ yehˇ sheˍ.
-
Hkʼaˬ ve teˇ tawn a yeˇ uiˍ ve kʼoˆ piˇ ve. Liꞈ hpu awˬ tawn maˇ gʼaw sheˍ htaˇ, aˬ htoꞈ ma te Liꞈ hpu chi teˇ tawn gʼaw gaˇ ve kʼoˆ maˍ piˇ sheˍ. Liꞈ hpu hkʼaw cawˬ ve a yeˇ uiˍ ve tawˇ leh nawˬ maˍ chehˇ ve awˬ lawn hkʼaˬ hkʼe te caˉ daꞈ ve kʼoˆ maˍ piˇ sheˍ.
-
Hkʼa sha sha˗ehˬ yuˬ yehˇ gʼa tuˬ kʼoˆ piˇ ve. A yeˇ uiˍ ve htaꞈ maˇ caˉ daˬ ve awˬ ceuˬ taˇ kʼoˆ. Nawˬ maˍ ve awˬ lawn htaꞈ na taˍ ve chaw hkʼaˬ hkʼe taw shiˍ ve dawˇ nyi sheˍ. Na taˍ ve chaw na gʼa leh yuˬ yehˇ tuˬ ve awˬ hkʼaˇ shiˍ tuˬ, loˍ ve awˬ ceuˬ ceh kʼoˆ piˇ sheˍ.
