Awˬ lawn 7
Cawˇ leh yonˍ gʼa ve
Luˉkaꞈ 1:3
A yeˇ yuˬ cawˇ ve: Na taˍ ve chaw cawˇ ve htaꞈ na gʼa tuˬ, yonˍ gʼa ve shaˉ hkiˆ yehˇ sheˍ.
Te tuˬ awˬ hkʼaˇ:
-
Liꞈ hpu htaꞈ yehˇ ve. Liꞈ hpu htaꞈ yonˍ gʼa ve pa taw, teˇ pawˆ le le te gʼa ve hkʼe Liꞈ hpu htaꞈ gʼaw cawˇ ve yoˬ. Chaˬ nyi tehˆ nyi paˍ hpawˇ awˬ tehˬ ve, awˬ lawn sha tanˇ, hpehꞈ laˬ jaw ve awˬ lawn, maˇ heˆ leh awˬ kaˍ awˬ nu ve shaˉ hkiˆ htaꞈ kʼoˆ htaˇ, awˬ ceuˬ chi teˇ hpaˍ htaꞈ yonˍ gʼa leh hkʼaˬ maw maw gaˬ˗oˬ ve hkʼa dehꞈ chaˬ nyi sheˍ.
-
Awˬ lawn awˬ tanˇ keunˍ ve htaꞈ yehˇ ve. Liꞈ hpu awˬ tawn htaꞈ kʼoˆ maˍ piˇ htaˇ, awˬ lawn gʼaw laˬ ve htaꞈ, Liꞈ hpu ve awˬ lawn lonˉ ma, leh “ka tiꞈ yeˬ leh cuˇ yiˍ cawˬ ve awˬ ceˬ” geh laˬ ve liꞈ kʼoˆ chi teˇ hpaˍ htaꞈ hawˍ daꞈ piˇ sheˍ. (Maꞈ 24:45) Shu ve liꞈ kʼoˆ htaꞈ nawˬ yehˇ gaˇ ve kʼo, yawˇ ve tawˇ hkawˇ htaꞈ taˇ pa. Yawˇ dawˇ taˍ ve hkʼe yehˇ sheˍ.
-
Hkʼawꞈ laˇ hkawˇ htaꞈ ca tuˬ shaˉ hkiˆ gʼa cawˬ ve. Liꞈ hpu awˬ tawn gʼaw peuˬ hkʼawꞈ nawˉ, maˇ heˆ leh awˬ lawn awˬ tanˇ teˇ hpaˍ htaꞈ kʼoˆ peuˬ hkʼawꞈ nawˉ, na taˍ ve chaw hkʼawꞈ laˇ hkawˇ yawˇ hui hkʼaˇ yawˇ hui ca gʼa tuˬ, na hkawˇ na piˇ sheˍ. Maˇ heˆ leh tawˇ pa haˉ tehˆ maˍ piˇ sheˍ.
