Nawˬ maˍ ve htaꞈ shu na gaˇ tuˬ tehˆ maˍ tuˬ ve mawˇ htaꞈ leuˆ yuˬ ve. Hkʼaˬ ve teˇ tawn a yeˇ uiˍ ve kʼoˆ maˍ piˇ tuˬ, awˬ han, miˬ guiˬ liꞈ, awˬ yanˇ shawˍ taˍ ve liꞈ, maˇ heˆ leh awˬ kaˍ awˬ nu tehˆ maˍ tuˬ ve mawˇ htaꞈ yehˇ sheˍ. Ciˉ liˇ cawˇ lawehˆ ve awˬ lawn htaꞈ kʼoˆ piˇ tuˬ ve maˇ heˆ. Na taˍ ve chaw tehˆ maˍ tuˬ ve mawˇ htaꞈ ceh tiˉ tawnˇ gʼa tuˬ taˇ te. Beˆ maˍ piˇ taˍ ve htaꞈ kaꞈ tawnˇ taˍ cawˇ ve yoˬ.

Na taˍ ve chaw teˇ gʼaˇ le le tehˆ maˍ tuˬ ve mawˇ htaꞈ gʼa mawˬ tuˬ hkʼa dehꞈ gu hehnˇ taˍ ve. Tawˇ pa haˉ te kʼo, bon maˍ htaˇ nawˬ awˬ han yehˇ gaˇ ve kʼo, na taˍ ve chaw teˇ gʼaˇ le le hkʼa dehꞈ gʼa mawˬ tuˬ, uiˍ ve htaꞈ yehˇ sheˍ.