“Mvuhˇ naw ma Gʼuiˬ sha lehˬ, mvuhˇ miˬ lonˉ teˇ peˆ kʼawꞈ cawˬ la piˇ tuˬ yoˬ. Mvuhˇ miˬ chi ve awˬ gʼaˇ uiˍ jaˇ leh, awˬ nu ve mvuhˇ miˬ teˇ hpaˍ htaꞈ te luˬ te sheˆ piˇ tuˬ yoˬ.”—Daˍyeˍlaˆ 2:44

“Yawˇ [Gʼuiˬ sha ve Yaˇ hpu] lehˬ . . . co co taiˍ taiˍ uˉ peunˍ tuˬ yoˬ. Yawˇ hkunˉ hawˉ hkanˇ te ve teˇ ceuˬ lehˬ, awˬ leh meuˇ maˇ cawˬ.”—Luˉkaꞈ 1:33

• Hteˇ ve cawˇ ve uˉ peunˍ ve awˬ moˍ chi teˇ hkui kaꞈ nawˬ htaꞈ awˬ bon peꞈ laˇ gʼa ve yoˬ.—Iˉsaˍyaˆ 48:17, 18

• Gaˬ la chehˇ ve miˬ guiˬ awˬ suhˉ hkʼaw dawˇ sha ve yoˬ. Naˬ ve gawˬ ve a ciˉ kaꞈ maˇ cawˬ.—Hpeuꞈ maˍ ve 21:3, 4

Yonˍ gʼa ve yoˬ. Awˬ lawn kʼo  . . .

• Gʼuiˬ sha ve mvuhˇ miˬ aˬ htoꞈ ma te gʼa tuˬ ve htaꞈ Yeˍsuˆ hpeuꞈ maw laˇ ve yoˬ. Gʼuiˬ sha ve mvuhˇ miˬ gaˬ la leh, yawˇ ve a loˍ biˇ la tuˬ Yeˍsuˆ ve awˬ laꞈ gʼawˇ bon lawˬ cawˇ ve htaꞈ Yeˍsuˆ maˍ piˇ ve yoˬ. (Maꞈhtehˍ 6:9, 10) Leh lawˬ ve hkʼe Gʼuiˬ sha hkʼaˬ hkʼe peꞈ laˇ tuˬ ve htaꞈ Yeˍsuˆ hpeuꞈ maw laˇ ve yoˬ.

  Yeˍsuˆ miˬ guiˬ hkʼoˆ chehˇ htaˇ, meuꞈ ve chaw htaꞈ caˍ piˇ taw piˇ ve, naˬ ve gawˬ ve htaꞈ gu na˗e piˇ ve, leh suh peuˬ ve chaw htaꞈ teꞈ tu la piˇ ve yoˬ. (Maꞈhtehˍ 15:29-38; Yoˇhanˬ 11:38-44) Chi hkʼe te ve awˬ hkʼaw lo, awˬ gʼuˇ suhˍ hpawˇ Gʼuiˬ sha ve mvuhˇ miˬ lo Yeˍsuˆ hkunˉ hawˉ hkanˇ hpehꞈ htaˇ, mvuhˇ miˬ yaˇ awˬ pon hkʼaˬ hkʼe te piˇ ve htaꞈ yawˇ hpeuꞈ maw laˇ ve yoˬ.—Hpeuꞈ maˍ ve 11:15

• Miˬ guiˬ hkʼoˆ hpehꞈ chehˇ ve awˬ ceuˬ lehˬ Gʼuiˬ sha ve mvuhˇ miˬ uˉ peunˍ la paˇ neˇ ve yoˬ tehꞈ shaˉ hkiˆ teˇ ceuˬ hpehꞈ ve yoˬ. Yeˍsuˆ kʼoˆ taˍ ve, Gʼuiˬ sha ve mvuhˇ miˬ miˬ guiˬ hkʼoˆ gawˬ lehˍ ve teˇ ceuˬ maˇ gaˬ la sheˍ gʼuˇ suhˍ, miˬ guiˬ hkʼa peu˗eˬ hkʼoˆ tuꞈ ve hkanˍ ve, meuꞈ ve kaˆ ve, leh miˬ hiˆ ve hkʼa biˇ cawˬ la tuˬ yoˬ.—Maꞈhtehˍ 24:3, 7

  Awˬ ceuˬ chi teˇ hpaˍ chi teˇ co˗e gʼa mawˬ peuˬ. Maˇ maw maw kʼo, shoꞈ shaꞈ ve awˬ ceuˬ hkʼa peu˗eˬ htaꞈ Gʼuiˬ sha ve mvuhˇ miˬ yuˬ baˬ tuˬ yoˬ.