Nawˬ hui liꞈ chi teˇ kʼoˆ awˬ hkʼaw lo gʼa henˇ kʼai peuˬ ve hkʼe, nawˬ leh nawˬ ve yehˬ kʼa htaꞈ ga laˇ tuˬ Liꞈ hpu awˬ hkʼaw lo beˆ maˍ laˇ hkawˇ laiˉ maˬ cawˬ ve yoˬ. Yaˬhoˉvaˬ Gʼuiˬ sha lehˬ, nawˬ htaꞈ ha lehˬ dawˇ sha tcuh gaˇ ve yoˬ. Nawˬ yawˇ htaꞈ oˉ kʼoˍ pui ve awˬ hkuiˉ puiˍ teh ve kʼo, “Chi teˇ hpaˍ hkʼa peu˗eˬ htawˇ yawˇ nawˬ hui htaꞈ htehˍ laˇ tuˬ yoˬ” tehꞈ, yawˇ ka tiꞈ te laˇ taˍ ve yoˬ. (Maꞈhtehˍ 6:33) Yawˇ nawˬ htaꞈ awˬ chawˇ te daꞈ gaˇ ve yoˬ. Gʼuiˬ sha htaꞈ awˬ chawˇ te daꞈ tuˬ gʼaˇ hteꞈ teˇ cawˇ ve yoˬ. Awˬ lawn kʼo, Gʼuiˬ sha htaꞈ awˬ chawˇ te ve lehˬ, chaw teˇ gʼaˇ cawˬ gʼa ve daꞈ jaˇ ve awˬ ceuˬ hpehꞈ ve yoˬ. (Maꞈhtehˍ 22:37, 38)

LIꞈ HPU HKʼAW KʼOˆ VE, “nawˬ hui htawˇ ngaˬ ve yaˇ paˍ yaˇ miˇ teˇ hpaˍ hpehꞈ tuˬ yoˬ tehꞈ, kanˇ paˆ hkʼa biˇ cawˬ ve Jawˇmawˇ Gʼuiˬ sha kʼoˆ ve yoˬ.” (2 Kawˇrenˍhtuˆ 6:18) Gʼuiˬ sha nawˬ htaꞈ awˬ chawˇ te gaˇ ve yoˬ. Bon lawˬ ve teˇ ceuˬ lehˬ, Gʼuiˬ sha htaꞈ awˬ chawˇ te daꞈ tuˬ awˬ hkʼaˇ hpehꞈ ve yoˬ. “Hkʼaˬ htaˆ kaꞈ bon lawˬ tcuhˉ taˍ” tuˬ Gʼuiˬ sha nawˬ htaꞈ kuˬ laˇ ve yoˬ. (1 Hteˇsaˍlawˇniˆ 5:17) Nawˬ dawˇ haˍ dawˇ hkiˉ ve awˬ lawn yawˇ na gaˇ ve yoˬ. (Hpiˇliˇpiˆ 4:6) Nawˬ yehˬ kʼa geh teˇ geh bon lawˬ ve kʼo, yawˇ hui Gʼuiˬ sha awˬ tehˬ cawˬ ve htaꞈ shiˍ la ve yoˬ.

Gʼuiˬ sha htaꞈ tawˇ yaw daꞈ ve teˇ yanˇ, Gʼuiˬ sha yaw hkʼawꞈ laˇ hkawˇ htaꞈ kaꞈ gʼa na ve yoˬ. Chi hkʼe te gʼa tuˬ Liꞈ hpu hkʼaw cawˬ ve yawˇ ve awˬ liˇ tawˇ hkawˇ teˇ hpaˍ maˇ kʼoˆ, Liꞈ hpu htaꞈ cuˇ leh yanˍ tawˆ taˍ ve liꞈ teˇ hpaˍ htaꞈ gʼa henˇ ve yoˬ. (Chiˇ mvuh ve 1:1, 2) Leh nawˬ gʼa henˇ shiˍ ve awˬ ceuˬ teˇ hpaˍ htaꞈ hkʼa dehꞈ gʼa dawˇ nyi tcuhˉ taˍ ve yoˬ. (Chiˇ mvuh ve 77:11, 12) Gʼuiˬ sha ve tawˇ hkawˇ na ve kʼoˆ ve lehˬ, hpawnˬ daꞈ kuiˬ yehˬ lo gʼa ca hpawnˬ daꞈ ve yoˬ. (Chiˇ mvuh ve 122:1-4)

Yaˬhoˉvaˬ Gʼuiˬ sha ve awˬ lawn awˬ kaˍ awˬ nu ve chaw teˇ hpaˍ htaꞈ ca hto piˇ ve teˇ ceuˬ lehˬ, nawˬ Gʼuiˬ sha awˬ paˇ lo kʼai gʼa ve a yeˇ uiˍ jaˇ ve awˬ hkʼaˇ teˇ hkʼaˇ hpehꞈ ve yoˬ. Nawˬ chi hkʼe te chehˇ tcuhˉ taˍ ve kʼo, nawˬ yawˇ awˬ paˇ lo chehˇ taˍ ve hkʼa shuˍ hpehꞈ ve yoˬ. (Maꞈhtehˍ 28:19, 20)

NAWˬ TE GʼA VE AWˬ CEUˬ

• Teˇ nyi le le Liꞈ hpu gʼaw leh bon lawˬ tuˬ awˬ yanˇ gʼa yuˬ tanˇ ve yoˬ

• Yehˬ kʼa awˬ hkʼaw lo Gʼuiˬ sha htaꞈ caˉ daꞈ ve awˬ ceuˬ te ve teˇ hpaˍ lehˬ, pyawˍ ve awˬ ceuˬ te ve leh gʼaˇ jehˇ ve teˇ hpaˍ aꞈ kehˉ a yeˇ uiˍ piˇ cawˇ ve yoˬ

LIꞈ HPU HKʼAW KʼOˆ VE, “Gʼuiˬ sha geh jiˆ laˬ˗oꞈ. Hkʼe te kʼo, yawˇ nawˬ hui geh jiˆ laˬ tuˬ yoˬ.” (Yaˍkoˆ 4:8) Yehˬ kʼa awˬ hkʼaw lo Gʼuiˬ sha htaꞈ oˉ kʼoˍ pui tuˬ ve awˬ yanˇ gʼa yuˬ teh leh hkʼaˬ htaˆ kaꞈ gʼaꞈ te cawˇ ve yoˬ. (Awˬ hkuiˉ puiˍ 18:19) Chi hkʼoˆ kaꞈ, ngaˬ hui a shaꞈ teꞈ kuiˬ awˬ hkʼaw lo Gʼuiˬ sha htaꞈ dawˇ nawˇ tcuhˉ taˍ cawˇ ve yoˬ. Gʼuiˬ sha awˬ paˇ lo jiˆ kʼai gʼa tuˬ nawˬ hui “Yehˬ hkʼaw chehˇ htaˇ maˇ kʼoˆ, yaꞈ kʼaw te toˇ chehˇ htaˇ maˇ kʼoˆ, gʼaˇ jehˇ chehˇ htaˇ maˇ kʼoˆ, kanˉ te chehˇ htaˇ maˇ kʼoˆ” Gʼuiˬ sha ve awˬ lawn tawˇ yaw daꞈ cawˇ ve yoˬ. (Bon maˍ ve 6:6, 7) Yawˇsuˆ kʼoˆ ve, “ngaˬ ve yehˬ yaˇ kʼa yaˇ teˇ hpaˍ lehˬ, Gʼuiˬ sha htaꞈ ceh tiˉ oˉ kʼoˍ pui tuˬ yoˬ”. Nawˬ htawˇ oˇ hkʼe te cawˇ ve yoˬ. (Yawˇsuˆ 24:15)

NAWˬ TE GʼA VE AWˬ CEUˬ

• Yehˬ kʼa awˬ hkʼaw lo teˇ gʼaˇ leh teˇ gʼaˇ ga piˇ tuˬ loˍ ve awˬ lawn htaꞈ hkʼaˬ htaˆ kaꞈ tawˇ yaw daꞈ cawˇ ve yoˬ