Yehˬ kʼa awˬ hkʼaw lo hpehꞈ bawˬ dawˇ haˍ ve awˬ ceuˬ htaꞈ gʼa hpuˇ ve htawˇ, ha lehˬ dawˇ sha tuˬ cawˬ gʼa sheˍ laˇ. Chi ve lehˬ haˍ ve awˬ ceuˬ hpehꞈ ve yoˬ. Yaꞈ hkʼaˇ, ga laˇ tuˬ ve awˬ hkʼaˇ cawˬ ve yoˬ. Liꞈ chi teˇ kʼoˆ lehˬ, yehˬ kʼa awˬ hkʼaw lo hpehꞈ la puiˉ ve dawˇ haˍ dawˇ hkiˉ ve awˬ ceuˬ teˇ ceuˬ le le htaꞈ gu tuˬ ve awˬ hkʼaˇ kʼoˆ taˍ ve maˇ heˆ. Yaꞈ hkʼaˇ, Liꞈ hpu hkʼaw cawˬ ve awˬ liˇ awˬ hkʼaˇ htaꞈ awˬ tehˬ awˬ na yuˬ yehˇ gʼa ve beˆ maˍ laˇ hkawˇ cawˬ ve yoˬ. Awˬ lawn oˇ ve teˇ hpaˍ htaꞈ hkʼaˬ hkʼe te yehˇ tuˬ ve awˬ hkʼaˇ dawˇ nyi leh keunˍ ve awˬ hkʼaw lo yuˬ yehˇ ve kʼo, nawˬ ve yehˬ kʼa htawˇ ha lehˬ dawˇ sha gʼa ve yoˬ.