Liꞈ hpu hkʼaw ve liꞈ awˉ lawˉ teˇ daw lehˬ mvuhˇ naw ma hkʼoˆ leh miˬ guiˬ hkʼoˆ Yaˬhoˉvaˬ te hpanˍ taˍ ve daꞈ jaˇ ve hkʼa peu˗eˬ ve awˬ lawn kʼoˆ taˍ ve yoˬ. Nawˬ awˬ pa awˬ e hpehꞈ ve kʼo, Gʼuiˬ sha te hpanˍ taˍ ve laiˉ ceuˬ anˇ tuˬ cawˬ ve tehꞈ yaˇ shiˍ la tuˬ, nawˬ yawˇ htaꞈ maˍ piˇ sheˍ. Gʼuiˬ sha te hpanˍ taˍ ve to nuˇ to shaˆ aꞈ kehˉ chaw yaˇ lehˬ daꞈ jaˇ ve yoˬ. Awˬ lawn kʼo, ngaˬ hui tawˇ yaw puiˉ ve, dawˇ nyi puiˉ ve, awˬ suhˉ awˬ suhˉ laiˉ ceuˬ te tawˆ puiˉ ve, liꞈ hkawˇ kʼa puiˉ ve, leh bon lawˬ puiˉ ve yoˬ. Yaˬhoˉvaˬ cuˇ yiˍ cawˬ maˇ jaˇ leh kanˇ paˆ uiˍ jaˇ ve Gʼuiˬ sha hpehꞈ ve, yawˇ te hpanˍ taˍ ve teˇ ceuˬ le le leh teˇ gʼaˇ le le htaꞈ haꞈ ve tehꞈ nawˬ ve yaˇ hkʼa dehꞈ na gʼa tuˬ maˍ piˇ sheˍ.