Awˉ lawˉ peuˇ ve Hkriꞈ yaˇ Gʼuiˬ sha ve mvuhˇ miˬ daꞈ ve awˬ lawn sha tanˇ miˬ guiˬ hkʼoˆ teˇ kaˬ le le lo gʼa maˍ kʼai ve yoˬ. Yawˇ hui bon maˍ ve htaꞈ Yeˍsuˆ sheh kʼai piˇ leh yawˇ hui anˇ lawꞈ lawꞈ ve hkʼaw laiˉ chaw ceuˬ ve tawˇ hkawˇ yaw gʼa tuˬ ga piˇ ve yoˬ. Yawˇ hui haꞈ hanˉ tuˬ leh fawˉ ve mehˍ ve htaꞈ yeunˇ hkanˍ gʼaˇ tuˬ Yaˬhoˉvaˬ ga piˇ ve yoˬ.

Yeˍsuˆ lehˬ tcuh yaˇ Yoˇhanˬ htaꞈ zuhꞈ maˆ hkʼaw Yaˬhoˉvaˬ ve awˬ meꞈ awˬ hponˇ mawˬ tcuh ve yoˬ. Yoˇhanˬ ve zuhꞈ maˆ hkʼaw mvuhˇ naw ma hkʼoˆ ve mvuhˇ miˬ lehˬ, Saˍtanˍ leh yawˇ ve kanˇ paˆ htaꞈ co co taiˍ taiˍ te luˬ piˇ ve htaꞈ gʼa mawˬ ve yoˬ. Yeˍsuˆ Jawˇmawˇ te leh 144,000 gʼaˇ geh teˇ geh uˉ peunˍ ve htaꞈ Yoˇhanˬ gʼa mawˬ ve yoˬ. Leh miˬ guiˬ hkʼoˆ Paˍraˍdiˇsuˆ hko  hpehꞈ la ve yoˬ. Chaw yaˇ teˇ gʼaˇ le le Yaˬhoˉvaˬ htaꞈ ceh tiˉ oˉ kʼoˍ pui leh gawˬ lehˍ chehˇ tuˬ yoˬ.