Yaˬhoˉvaˬ ka tiꞈ te laˇ taˍ ve, ‘dawˇ haˍ ve, paˆ hawˬ ve, naˬ ve, leh suh ve teˇ ceuˬ maˇ kʼawꞈ cawˬ. Yawˇ hui ve mehˆ gʼuiˬ hkʼa peu˗eˬ htaꞈ shiˆ baˬ piˇ tuˬ yoˬ. Awˉ lawˉ htaˇ cawˬ ve awˬ ceuˬ teˇ hpaˍ mehˉ kʼai peuˬ.’

Awˬ hkuiˉ puiˍ htaˇ Yaˬhoˉvaˬ Aˍdanˍ leh Eˇvaꞈ htaꞈ Eˍdenˍ hko hkʼaw kawˆ tuˬ maˇ cawˬ leh ha lehˬ ve tiˉ cawˬ ve hkʼaw chehˇ tcuh taˍ ve yoˬ. Mvuhˇ naw ma hkʼoˆ chehˇ ve Awˬ pa Gʼuiˬ sha htaꞈ ceh tiˉ oˉ kʼoˍ pui tcuh leh miˬ guiˬ hkʼoˆ lo yaˇ maˇ maˇ cawˬ la piˇ tcuh ve yoˬ. Aˍdanˍ leh Eˇvaꞈ Yaˬhoˉvaˬ hkawˇ maˇ na ve htawˇ, yawˇ ve a loˍ maˇ pa. Liꞈ kʼoˆ teˇ kʼoˆ hkʼaw Gʼuiˬ sha yawˇ ka tiꞈ te taˍ ve hkʼa peu˗eˬ awˬ tehˬ awˬ na hpehꞈ la tuˬ ve htaꞈ ngaˬ hui gʼa mawˬ tuˬ yoˬ. Yawˇ Aˍbraˍhanˍ htaꞈ ka tiꞈ te piˇ taˍ ve hkʼe, Gʼuiˬ sha ve mvuhˇ miˬ lehˬ miˬ guiˬ hkʼoˆ daꞈ ve awˬ ceuˬ ceh tiˉ cawˬ tuˬ te laˇ tuˬ yoˬ.

Maˇ maw kʼo, Saˍtanˍ, neˇ teˇ hpaˍ leh haiˬ ve chaw maˇ kʼawꞈ cawˬ˗o. Miˬ guiˬ hkʼoˆ lo ve chaw yaˇ hkʼa peu˗eˬ Yaˬhoˉvaˬ htaꞈ ceh tiˉ oˉ kʼoˍ pui tuˬ yoˬ. Ngaˬ hui maˇ naˬ leh maˇ gʼa suh˗o. Mvuhˇ shawˉ tu la htaˇ, ngaˬ hui nyi ma sha jaˇ.  Awˬ gʼaˇ awˬ shaˉ cawˬ leh a shaꞈ teꞈ kuiˬ hkʼaw ha leh jaˇ tuˬ yoˬ. Miˬ guiˬ hkʼoˆ Paˍraˍtiˆsuˆ hpehꞈ tuˬ yoˬ. Teˇ gʼaˇ le le daꞈ ve caˇ tuˬ leh daꞈ ve yehˬ cawˬ tuˬ yoˬ. Miˬ guiˬ hkʼoˆ ha kʼaˉ puiˉ ve chaw tiˉ cawˬ leh haiˬ ve chaw maˇ cawˬ. To nuˇ to shaˆ ngaˬ hui htaꞈ maˇ kawˆ leh ngaˬ hui htawˇ to nuˇ to shaˆ htaꞈ maˇ kawˆ˗o.

Yaˬhoˉvaˬ suh ve chaw htaꞈ kʼawꞈ teꞈ tu la piˇ htaˇ, ngaˬ hui ha lehˬ jaˇ tuˬ yoˬ. Aˬ sho˗eˬ htaˇ ve chaw, Aˍbeˍlaˆ, Noˉaꞈ, Aˍbraˍhanˍ, Saˍraˇ, Moˉseˍ, Ruˉhtaˆ, Iˉsaˍtaˆ leh Daˍviˆ yawˇ hui kʼawꞈ teꞈ tu la ve htaꞈ ngaˬ hui haꞈ yuˬ piˇ tuˬ yoˬ. Yawˇ hui ngaˬ hui geh miˬ guiˬ hkʼoˆ Paˍraˍdiˇsuˆ hko kʼawꞈ hpehꞈ la tcuh tuˬ te ve yoˬ. Ngaˬ hui daꞈ ve kanˉ htaꞈ tiˉ te tuˬ yoˬ.

Yaˬhoˉvaˬ nawˬ htaꞈ Paˍraˍdiˇsuˆ hko hkʼaw chehˇ tcuh gaˇ ve yoˬ. Oˇ ve teˇ yanˇ nawˬ Yaˬhoˉvaˬ ve awˬ lawn awˬ suhˉ gʼa kʼawꞈ henˇ tuˬ yoˬ. Chi teˇ hkui leh awˬ gʼuˇ suhˍ hpawˇ ngaˬ hui Yaˬhoˉvaˬ geh meuˆ daꞈ tuˬ te sheˍ!